<p><strong>अहमदनगर |प्रतिनिधी| Ahmednagar</strong></p><p>गावठी हातभट्टी दारू अड्ड्यावर नगर तालुका पोलिसांनी कारवाई करून चार हजार 300 लीटर कच्चे रसायन व 100 लीटर हातभट्टी दारू असा </p>.<p>दोन लाख 68 हजार रूपयांचा मुद्देमाल जप्त केला आहे. तालुक्यातील नेप्ती व निमगाव वाघा या ठिकाणी ही कारवाई केली. याप्रकरणी तालुका पोलीस ठाण्यात अनिल टिल्लू पवार (रा. नेप्ती ता. नगर), कुमार दादासाहेब फलके (रा. निमगाव वाघा ता. नगर) यांच्याविरूद्ध गुन्हे दाखल केले आहेत.</p><p>तालुका पोलीस ठाण्याचे सहाय्यक पोलीस निरीक्षक म्हणून राजेंद्र सानप यांनी नुकताच पदभार हाती घेतला आहे. तालुका पोलीस ठाणे हद्दीतील अवैध धंद्यावर निरीक्षक सानप यांनी कारवाई सुरू केली आहे. तालुक्यातील निमगाव वाघा व नेप्ती शिवारात गावठी हातभट्टी दारू निर्मिती होत असल्याची माहिती निरीक्षक सानप यांना मिळाली होती. </p><p>मिळालेल्या माहितीवरून निरीक्षक सानप यांनी आपल्या पथकासह निमगाव वाघा येथे हातभट्टीवर छापा टाकून एक लाख 32 हजार रूपये किंमतीचे दोन हजार 200 लीटर कच्चे रसायन जप्त केले. तर नेप्ती शिवारात पवार वस्तीवर छापा टाकून दोन हजार 100 लीटर रसायन, 100 लीटर दारू असा एक लाख 36 हजार रूपयांचा मुद्देमाल जप्त केला आहे.</p>
