<p><strong>अहमदनगर |प्रतिनिधी| Ahmednagar</strong></p><p>शहर सहकारी बँकेच्या कर्ज घोटाळ्यात फरार असलेल्या डॉ. नीलेश शेळके याला नगर पोलिसांनी पुण्यातून ताब्यात घेतले आहे. </p>.<p>यशस्विनी ब्रिगेडच्या संस्थापक अध्यक्षा रेखा जरे यांच्या हत्याकांडात डॉ. नीलेश शेळके याच्याकडे सुरूवातीला चौकशी होणार आहे, अशी माहिती उपअधीक्षक अजित पाटील यांनी दिली.</p><p>पोलीस उपअधीक्षक अजित पाटील यांच्याकडे रेखा जरे हत्याकांडाचा तपास आहे. या हत्याकांडातील मुख्य सूत्रधार बाळ बोठे याचा शोध सुरू आहे. बोठे हा पुणे लपून बसला असल्याची माहिती पोलिसांना मिळाली होती. </p><p>त्यानुसार पथक त्याचा माग काढताना डॉ. शेळके आढळला. डॉ.शेळके हा आर्थिक गुन्ह्यात फरार असल्याची पथकाने खात्री करून घेतली आणि त्याला ताब्यात घेतले.</p>
