फुटीर आमदारांना जिल्ह्यात पाय ठेवू देणार नाही - कराळे

देवळाली प्रवरा |वार्ताहर|Deolali Pravara

शिवसेनेमुळेच सेनेच्या सर्व आमदारांना मानसन्मान व मंत्रिपद मिळाले. त्यांनी बंडखोरी करून सेनेशी गद्दारी केली. बंडखोरी केलेल्या आमदारांना जिल्ह्यात पाय ठेवू देणार नाही, असा इशारा देवळाली प्रवरा शिवसेना शहराध्यक्ष सुनील कराळे यांनी दिला आहे.

कराळे म्हणाले, आम्ही हाडाचे शिवसैनिक आहोत. आजही शिवसेनेत आहोत, उद्याही शिवसेनेतच राहणार आहोत. लाखोंचा जनाधार असणारी अशी पक्षसंघटना संपत नसते. आम्ही हिंदुहृदयसम्राट बाळासाहेब ठाकरे यांच्या विचारांशी पाईक आहोत. हिंदू ह्रदयसम्राट बाळासाहेब ठाकरे यांनी समाजाच्या तळागाळातील सर्वसामान्य माणसाला शिवसेनेत घेऊन मोठ्या पदावर विराजमान केले.

यांच्यावर उध्दव ठाकरे यांनी पुत्रवत प्रेम केले. त्यांनीच सत्तेच्या लालसेपायी पाठीत खंजीर खुपसण्याचे काम केले.अशा गद्दारांना जिल्ह्यात पाय ठेवू देणार नाही, असे कराळे यांनी सांगितले.