नेवासा (का. प्रतिनिधी) -
नेवासा तालुक्यात काल 14 गावांतून 27 करोना संक्रमित आढळून आले असून तालुक्यातील एकूण संक्रमितांची संख्या
2046 झाली आहे. काल सर्वाधिक 5 संक्रमित देवसडे येथील आढळून आले.
सोनई येथे चार तर कुकाणा येथील तिघे करोना बाधित असल्याचे स्पष्ट झाले. भेंडा बुद्रुक, चिलेखनवाडी, गणेशवाडी व नेवासा खुर्द या चार गावांतून प्रत्येकी दोघे संक्रमित आढळले.
भालगाव, कौठा, लोहगाव, नजिकचिंचोली, नेवासा बुद्रुक, पाथरवाला व उस्थळदुमाला या सात गावांतील प्रत्येकी एकजण संक्रमित झाल्याचे चाचण्यांतून दिसून आले. अशाप्रकारे तालुक्यातील 14 गावांतून 27 संक्रमित आढळून आल्याने तालुक्यातील एकूण करोना संक्रमितांची संख्या 2046 झाली.