<p><strong>कोपरगाव (तालुका प्रतिनिधी) - </strong></p><p>कोपरगाव शहरासह तालुक्यात दि. 1 जानेवारी रोजी सापडलेल्या 6 करोना बाधित रुग्णांच्या संपर्कातील 75 व्यक्तींची रॅपिड टेस्ट करण्यात आली, </p>.<p>त्यात 15 तर अहमदनगर येथे तपासणीसाठी पाठवलेल्या अहवालांपैकी 2 तसेच खासगी लॅब मधील 2 असे एकूण 19 रुग्ण पॉझिटिव्ह आढळून आले असून 60 व्यक्तींचे करोना अहवाल निगेटिव्ह आले. तर रवंदा येथील 70 वर्षीय महिलेचा करोनाने मृत्यू झाला असल्याची माहिती ग्रामीण रुग्णालयाचे वैद्यकीय अधिकारी डॉ. कृष्णा फुलसुंदर यांनी दिली.</p><p>कोपरगाव शहर व तालुक्यात करोना विषाणूचे काल एका दिवसात एकूण 19 व्यक्तींचे अहवाल पॉझिटिव्ह आले आहे. त्यात शहरातील ओमनगर - 2, गांधीनगर- 1, तेरा बंगले -1, तालुक्यातील टाकळी ब्राम्हणगाव येथील 1, सोनेवाडी - 1, चांदेकसारे - 1, चासनळी - 7, धामोरी -2, पोहेगाव - 1, गोधेगाव - 1, सांगावी भुसार येथील 1 रुग्णाचा समावेश आहे. कोपरगाव तालुक्यात काल दि. 2 जानेवारी पर्यंत दोन हजार 730 रुग्ण पॉझिटिव्ह झालेले असून दोन हजार 611 रुग्ण बरे झाले आहे. तर आतापर्यंत 19 हजार 139 लोकांची करोना चाचणी करण्यात आली. कोपरगावात करोना पॉझिटिव्ह होणार्यांची टक्केवारी 14.26 तर मृत्यूचे प्रमाण 1.61 टक्के आहे. तर आतापर्यंत 44 व्यक्तींचा मृत्यू झाला आहे. त्यामुळे नागरिकांनी स्वतः काळजी घेऊन प्रशासनाला सहकार्य करण्याचे आवाहन स्थानिक प्रशासनाने केले आहे.</p>
