अहमदनगर |प्रतिनिधी| Ahmednagar
घर बसल्या कमिशन मिळविण्याचे अमिष (Commission Lure) दाखवून अज्ञाताने एकाची 1 लाख 45 हजार 936 रूपयांची फसवणूक (Fraud) केली. प्रदीप पोळ (वय 36, रा. सागर कॉम्प्लेक्स, आगरकर मळा) असे फसवणूक झालेल्याचे नाव आहे. त्यांनी कोतवाली पोलिसांत (Kotwali Police) दिलेल्या फिर्यादीत म्हटले, दि. 3 रोजी दुपारी पावणेचार वाजता त्यांच्या मोबाईलवर 8805404897 या मोबाईल क्रमांकावरून घर बसल्या कमिशन मिळविण्याचा मेसेज आला.
त्यास रिप्लाय दिल्यानंतर त्याने व्हॉटसऍपवर एक लिंक पाठविली. त्यांच्या सांगण्याप्रमाणे लिंकवर माहिती भरवली. त्यानंतर दि. 4 रोजी लिंकच्या युपीआय आयडीवर (UPI ID) पेटीएमव्दारे 5 हजार 200 रूपये भरले. त्यानंतर दुसर्या आयडीवर 18 हजार रूपये पाठविले. पुन्हा त्याने एक आयडी पाठविला. त्यावर 20 हजार रूपये पाठविले. त्यानंतर पुन्हा 20 हजार रूपये पाठविले. त्यानंतर 16 हजार रूपये असे 79 हजार 200 रूपये पाठविले.
त्यानंतर त्या इसमाने मेसेज करून कमिशन (Commission) पाहिजे असेल तर 20 टक्के टॅक्स भरावा लागेल असे म्हणून पाठविलेल्या एका आयडीवर 30 हजार 736 रूपये भरले. परत त्याने अकांऊंट ऍक्टीवेट करण्यासाठी 30 हजार रूपये भरावे लागतील असे सांगितले. त्याच्या पंजाब नॅशनल बँक गुजरात या अकांऊंटवर 30 हजार रूपये फोन पेव्दारे पाठविले. परंतु त्याने कोणत्याही प्रकारचे कमिशन (Commission) दिले नाही. त्याने विश्वास संपादन करून फसवणूक (Fraud) केल्याचे फिर्यादीत म्हटले आहे.