<p><strong>देवळाली प्रवरा |वार्ताहर| Devlali Pravara</strong></p><p>केंद्र शासनाच्या स्वच्छ भारत अभियान अंतर्गत घेण्यात आलेल्या स्वच्छ सर्वेक्षण लिग 2019-2020 मध्ये नगरपरिषदेने देशात 15 वा व देशाच्या पश्चिम विभागातील 6 राज्यांमध्ये आठवा क्रमांक मिळविला आहे. देशात 15 वा क्रमांक प्राप्त केल्यामुळे नगरपरिषदेला 5 कोटींचे बक्षीस मिळणार असल्याची माहिती नगराध्यक्ष सत्यजित कदम व मुख्याधिकारी अजित निकत यांनी दिली.</p><p>शहरात ओला व सुका कच-याचे वर्गीकरण, प्रत्येक प्रभागात घंटागाडी, खतनिर्मिती प्रकल्प, घनकचरा व्यवस्थापन, सुलभ शौचालय, रिकाम्या जागेत वृक्षारोपन असे विविध उपक्रम नगरपरिषदेने हाती घेत ते यशस्वीपणे राबविले आहेत. </p><p>उपक्रमाच्या यशस्वीतेसाठी माजी आमदार चंद्रशेखर कदम यांचे मार्गदर्शन लाभले आहे. पाच राज्यांतील सहभागी नगरपालिका नगरपरिषदांमधून देवळाली नगरपरिषदेने आठवा क्रमांक पटकाविला आहे.</p><p>माजी आमदार चंद्रशेखर कदम यांनी नगरपरिषदेचे नगराध्यक्ष, मुख्याधिकारी, अधिकारी कर्मचारी यांचे अभिनंदन करून शुभेच्छा दिल्या.</p>.<div><blockquote>नगरपरिषदेच्या माध्यमातून शहरात सात्यताने विविध उपक्रमांचे आयोजन करण्यात येते. त्यासाठी नागरिकांबरोबरच सामाजिक,शैक्षणिक,सहकारी संस्था यांचे मोलाचे सहकार्य लाभते. याबद्दल मी पदाधिकारी,अधिकारी,कर्मचारी यांचे व नागरिकांचे अभिनंदन करतो. सर्व शहरवासियांच्या सहकार्यामुळे व मेालाची मदत दिल्याने हा सन्मान प्राप्त झाला आहे.</blockquote><span class="attribution">- सत्यजित कदम</span></div>.<div><blockquote>नगराध्यक्ष यांच्या मार्गदर्शनाखाली नगरपरिषदेतील अधिकारी/कर्मचारी आपले कर्तव्य पार पाडत आहेत. तसेच यापुढेही भविष्यातही नगरपरिषद आपल्या कार्याचा ठसा देशपातळीवर उमटविल. </blockquote><span class="attribution">- अजित निकत, मुख्याधिकारी</span></div>
