छत्रपती शिवाजी महाराज व संभाजी महाराजांच्या पुतळा उभारणीस पोलिसांकडून मनपाला परवानगी

छत्रपती शिवाजी महाराज व संभाजी महाराजांच्या पुतळा उभारणीस पोलिसांकडून मनपाला परवानगी

अहमदनगर |प्रतिनिधी| Ahmednagar

सावेडी उपनगर परिसरातील प्रोफेसर कॉलनी चौक येथे प्रस्तावित असलेल्या छत्रपती संभाजी महाराज यांच्या पुतळ्यासाठी व मनपा मुख्यालयाच्या आवारातील छत्रपती शिवाजी महाराज यांच्या पुतळ्यासाठी जिल्हा पोलीस प्रशासनाकडून महापालिकेला ना हरकत प्रमाणपत्र देण्यात आल्याची माहिती आयुक्त डॉ. पंकज जावळे यांनी दिली.

छत्रपती शिवाजी महाराज व संभाजी महाराज यांच्या पुतळा उभारणीचा विषय गेल्या अनेक वर्षांपासून प्रलंबित आहे. या संदर्भात सोमवारी जिल्हाधिकारी कार्यालयात जिल्हाधिकारी डॉ. राजेंद्र भोसले यांच्या उपस्थितीत बैठक पार पडली. यावेळी आयुक्त डॉ. जावळे व पोलीस प्रशासनातील अधिकारी उपस्थित होते. शासनाकडेही दोन्ही पुतळ्यांच्या उभारणीसाठी परवानगी मिळण्याबाबत प्रस्ताव पाठविण्यात येणार असल्याचे आयुक्त डॉ. जावळे यांनी सांगितले.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com