VIDEO : आ. राजळे यांच्यासह भाजपचे आंदोलक पोलिसांच्या ताब्यात

VIDEO : आ. राजळे यांच्यासह भाजपचे आंदोलक पोलिसांच्या ताब्यात

शेवगाव | तालुका प्रतिनिधी

कृषीपंपाच्या थकित वीज बिलाच्या वसुलीसाठी महावितरण कंपनीने शेतीपंपाचा वीजपुरवठा खंडीत केला जात आहे.

या राज्य शासनाच्या जुलमी कारवाईच्या निषेधार्थ रास्तारोको आंदोलन करणाऱ्या आ. मोनिकाताई राजळे व भाजपा कार्यकर्त्यांना शेवगाव पोलिसांनी ताब्यात घेऊन नंतर सुटका केली.

कृषी पंपाच्या थकीत वीज बिलाच्या वसुलीसाठी महावितरण कंपनीने शेती पंपाचा वीजपुरवठा खंडीत केला जात आहे. महावितरणच्या या कारवाईच्या निषेधार्थ शेवगाव-पाथर्डीच्या आमदार मोनिकाताई राजळे यांच्या नेतृत्वाखाली भाजपाच्यावतीने शेवगाव शहरातील गाडगेबाबा चौकात सोमवारी सकाळी 10.30 वाजता रास्ता रोको आंदोलन करण्यात आले.

VIDEO : आ. राजळे यांच्यासह भाजपचे आंदोलक पोलिसांच्या ताब्यात
करोनाचा नवा व्हेरियंट 'ओमिक्रॉन'ची लक्षणे काय?, कशी घ्याल काळजी?

आंदोलनादरम्यान महावितरणच्या अधिकाऱ्यांनी आंदोलकांशी चर्चा केली. मात्र चर्चा मान्य न झाल्याने सकाळी 10.30 वाजता सुरू झालेले आंदोलन दुपारी 2.10 वाजेपर्यंत सुरूच होते. प्रशासनानेही आंदोलन मागे घेण्याची विनंती केली. मात्र मागणी मान्य झाल्याशिवाय आंदोलन मागे घेणार नसल्याचा पवित्रा घेतल्याने पोलिसांनी आंदोलकांना अटक केली.

VIDEO : आ. राजळे यांच्यासह भाजपचे आंदोलक पोलिसांच्या ताब्यात
Cryptocurrency : क्रिप्टोकरन्सी म्हणजे नेमकं काय? काय आहे फायदे आणि तोटे?, जाणून घ्या सोप्या शब्दात

अटक केलेल्यामध्ये आमदार मोनिकाताई राजळे यांच्यासह भाजपाचे तालुकाध्यक्ष ताराचंद लोढे, भाजपाचे जिल्हा उपाध्यक्ष बापुसाहेब पाटेकर, नगरसेवक महेश फलके, शहराध्यक्ष रवी सुरोसे, गंगा खेडकर, शिवाजीराव भिसे, नितीन दहिवाळकर, वाय. डी. कोल्हे, कचरू चोथे आदींचा समावेश आहे.

आंदोलकांना अटक करून पोलिसांनी बळजबरीने पोलिस गाडीमध्ये बसवून पोलिस ठाण्यात आणले. पोलिस ठाण्यात आल्यानंतरही आंदोलकांनी घोषणाबाजी करत पोलिस ठाण्याच्या दारातच ठिय्या दिला. कारवाई करून काही वेळेनंतर सर्वांना सोडुन दिले. रास्तारोको दरम्यान रस्त्याच्या दुतर्फा मोठ्या प्रमाणात वाहनाच्या रांगा लागल्या होत्या.

VIDEO : आ. राजळे यांच्यासह भाजपचे आंदोलक पोलिसांच्या ताब्यात
जगातील सर्वात जास्त १० प्रदूषित शहरांमध्ये भारतातील तीन शहरे

Related Stories

No stories found.