<p><strong>अहमदनगर|Ahmedagar</strong></p><p>मालट्रकला दुचाकी आडवी लावून तिघांनी ट्रक चालकाकडील रोख रक्कम व मोबाईल असा 12 हजार 200 रूपयांचा ऐवज लुटला. ही घटना</p>.<p>विळद बायपास येथे दुपारी साडेबाराच्या सुमारास घडली.</p><p>याप्रकरणी तिघा अज्ञात चोरट्यांविरूद्ध एमआयडीसी पोलीस ठाण्यात जबरी चोरीचा गुन्हा दाखल करण्यात आला आहे. ट्रक चालक सोनु लक्ष्मणलाल धाकड (वय- 22 रा. शिवपुरी ता. शहापुरा जि. भिलवाडा, राजस्थान) यांनी फिर्याद दिली आहे.</p><p>फिर्यादी हे त्यांच्या ताब्यातील मालट्रक घेऊन नगर- मनमाड रोडने चालले होते. ते विळद बायपास येथे आल्यानंतर पाठीमागून दुचाकीवर आलेल्या तिघांनी फिर्यादीच्या मालट्रकला दुचाकी अडवी लावली.</p><p>ते तिघे फिर्यादीला म्हणाले, आम्ही फायनान्सवाले आहोत, तुमच्या ट्रकचा हप्ता थकला आहे. तुझ्या मालकाला फोन लाव. असे म्हणताच फिर्यादी यांनी त्यांची ट्रक रोडच्या बाजूला उभी केली. तिघेही ट्रकमध्ये चढले व दोघांनी फिर्यादी यांचा गळा दाबून धरला. तर एकाने फिर्यादी यांच्या खिशातील 11 हजार रूपये किंमतीचा मोबाईल, 1 हजार 200 रूपये रोख रक्कम, एटीएम कार्ड, पॅन कार्ड काढून घेतले. याप्रकरणी पुढील तपास सहाय्यक पोलीस निरीक्षक मोहन बोरसे करीत आहे.</p>
