पोटगीसाठी पत्नी, मेव्हण्यासह सहा जणांची मारहाण

अहमदनगर |प्रतिनिधी| Ahmednagar

तु आमच्या मुलीस पोटगीचे पैसे का देत नाही, असे म्हणून पत्नी, मेव्हण्यासह सहा जणांनी मारहाण केली. दत्तात्रय मोहन आटोळे (वय 40 रा. रमजान चिंचोली, ता. कर्जत) असे मारहाण करण्यात आलेल्यांचे नाव आहे.

याप्रकरणी त्यांनी तोफखाना पोलिस ठाण्यात फिर्याद दिली आहे. ही घटना दि. 9 रोजी रात्री साडेनऊ वाजता भूतकरवाडी येथे घडली. फिर्यादीत म्हटले की, फिर्यादीच्या पत्नीने फिर्यादीविरूध्द कौटुंबिक न्यायालयात तक्रार केली आहे. यादरम्यान आमच्यात अनेकवेळा वाद झाले आहेत.

दि. 9 रोजी रात्री साडेनऊ वाजता फिर्यादी आटोळे हे भूतकरवाडी येथे ओळखीच्या व्यक्तीस भेटण्यासाठी मोटारसायकलवरून (एमएच 16 एसी 7293) जात असताना पत्नी आश्विनी आटोळे, मेव्हणा उमेश भाऊसाहेब मिंड, मंगल भाऊसाहेब मिंड (सर्व रा. जाम कौडगाव, ता. नगर) व तीन अनोळखी इसम यांनी मोटारसायकल अडवून तु आमच्या मुलीस पोटगीचे पैसे का देत नाही, लाथाबुक्कयांनी मारहाण केली.

उमेश मिंड याने लाकडी दांडक्याने डोक्यात हातापायावर पाठीवर डोळ्यावर मारहाण केली. तसेच गळा दाबुन जीवे मारून टाकीन अशी धमकी दिल्याचे फिर्यादीत म्हटले आहे. पुढील तपास पोलिस करीत आहेत.