सार्वमत
सलाबतपूर ( वार्ताहर ) - नेवासा तालुक्यातील गिडेगाव येथे अल्पवयीन मुलीवर ती घरात एकटी असताना धारदार शस्त्राने वार करून जखमी केल्याची घटना घडली आहे. जखमी मुलीवर नगर येथील सिव्हिल हाॅस्पिटलमध्ये उपचार सुरू आहे .
अज्ञात हल्लेखोर घरात प्रवेश करून मुलीवर धारदार शस्त्राने वार करून पसार झाला. यावेळी मुलीने आरडाओरड केल्याने बाजुच्या शेतात असलेल्या नातेवाईकाने आवाजाच्या दिशेने धाव घेतली असता घडलेला प्रकार लक्षात आला . शेवगाव विभागाचे उपविभागीय पोलीस अधिकारी मंदार जवळे, पोलिस निरिक्षक रणजीत डेरे यांनी घटना स्थळाला भेट दिली. घटनास्थळाचा पंचनामा करण्यात आला.