अस्तगावच्या तरुणाची श्रीरामपुरात रेल्वेखाली आत्महत्या

अस्तगावच्या तरुणाची श्रीरामपुरात रेल्वेखाली आत्महत्या

श्रीरामपूर |प्रतिनिधी| Shrirampur

राहाता तालुक्यातील अस्तगाव येथील एका कामगाराने सूतगिरणी परिसरात रेल्वेखाली उडी घेऊन आत्महत्या केली. याप्रकरणी श्रीरामपूर शहर पोलीस ठाण्यात आकस्मात मृत्यूची नोंद करण्यात आली आहे. त्यांच्या पश्चात आजोबा, आई, वडील, पत्नी, एक मुलगा, दोन मुली असा परिवार आहे.

अस्तगाव येथील राहुल सुभाष सापते (वय 35) हा तरुण श्रीरामपूर शहरातील गोंधवणी परिसरात शेणखत त्याच्या स्वतःच्या ट्रॅक्टर ट्रॉलीतून घेवून निफाड येथे विक्रीसाठी नेत असे. काल मात्र त्याने सूतगिरणी परिसरातील रेल्वे लाईनच्या कडेला मोटारसायकल लावून रेल्वेखाली आत्महत्या केली. त्याची ओळख पटली नव्हती.

मात्र त्याने त्याच्या व्हॉटसअ‍ॅप वरून ऑडीओ क्लिप करून आत्महत्या करत असल्याचे त्याच्या अस्तगाव येथील चुलत भावाच्या मोबाईलवर टाकले होते. त्याच्या मोबाईलवरून त्याच्या चुलत भावाला संपर्क केला व त्यानंतर त्याची ओळख पटली. त्याचा मृतदेह शवविच्छेदनानंतर त्याच्या नातेवाईकांच्या ताब्यात देण्यात आला. त्याचेवर काल दुपारी अंत्यसंस्कार करण्यात आले. याप्रकरणी श्रीरामपूर शहर पोलीस ठाण्यात आकस्मात मृत्यूची नोंद करण्यात आली आहे.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com