अकोले, पारनेर, कर्जतमधील निवडणुका खुल्या प्रवर्गानुसार

ग्रामपंचायत पोटनिवडणुका 12 जागांवरील निवडणूकही ओबीसी आरक्षणाविनाच
अकोले, पारनेर, कर्जतमधील निवडणुका खुल्या प्रवर्गानुसार

अहमदनगर | Ahmednagar

सर्वोच्च न्यायालयाच्या निर्णयामुळे आता येत्या 21 डिसेंबरला होऊ घातलेल्या नगर जिल्ह्यातील अकोले, पारनेर आणि कर्जत नगरपंचायतीं तसेच ग्रामपंचायतीच्या पोटनिवडणुका 12 जागांवरील निवडणूक ओबीसी आरक्षणाविनाच होणार असल्याचे स्पष्ट झाले आहे., येत्या 21 डिसेंबर रोजी होणार्‍या या तीनही नगरपंचायतींसाठी प्रत्येकी चार जागा आहेत. त्यामुळे आता या एकूण 12 जागांवर खुल्या वर्गातीलही उमेदवार निवडणूक लढवू शकणार आहेत.

ओबीसी आरक्षित म्हणून जाहीर केलेल्या 27 टक्के जागा खुल्या प्रवर्गातील म्हणून पुन्हा जाहीर करण्यात याव्यात. उरलेल्या 73 टक्के जागांप्रमाणेच या जागांवरील निवडणूक खुल्या प्रवर्गानुसार घेण्याचे निर्देश न्यायालयाने दिले आहेत. तसेच, या 27 टक्के जागांचे निकाल उरलेल्या 73 टक्के जागांच्या निकालावेळीच लावण्यात यावेत आणि त्यांच्या निवडणुका देखील एकत्रच घेण्यात याव्यात, असे न्यायालयाने सांगितले आहे. त्यामुळे नगर जिल्ह्यातील अकोले, पारनेर आणि कर्जत नगरपंचायती तसेच ग्रामपंचायतीच्या पोटनिवडणुका 12 जागांवरील निवडणुकांचा कार्यक्रम पुन्हा जाहीर करण्यात येणार आहे.

तसेच या जागांसह अन्य जागांवरील निवडणुकीचा निकाल एकाच दिवशी जाहीर करण्याचे निर्देश न्यायालयाने दिले आहेत. त्यामुळे अन्य जागांवरील उमेदवारांना निकालाची प्रतीक्षा करण्याची वेळ येण्याची शक्यता आहे.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com