<p><strong>कोपरगाव (तालुका प्रतिनिधी)- </strong></p><p>कोपरगाव शहरातील गोखरू बाबा गल्ली येथील गोठ्यातील म्हशी चोरून नेल्याचे प्रकरण घडले होते </p>.<p>त्याचा तपास पोलिसांनी लावला. त्यातील दोन जणांना अटक करण्यात आली असून एक जण पसार झाला आहे.</p><p>कोपरगाव शहरातील गोकुरबाबा गल्लीत राहणारे अजहर इस्माईल शेख यांच्या सव्वालाख किमतीच्या दोन म्हशी मंगळवारी रात्री आकाश संजय रोकडे, हरीश चंद्रकांत कुर्हाडे, व सचिन गायकवाड सर्व राहणार खेडकर गल्ली कोपरगाव यांनी चोरून नेल्या असल्याची फिर्याद दिली होती.</p><p>सदर फिर्याद झाल्यानंतर पोलीस निरीक्षक दौलतराव जाधव यांचे सूचना व मार्गदर्शनाखाली सहाय्यक पोलिस निरीक्षक दीपक बारसे, पोलीस हेड कॉन्स्टेबल पुंड, पो.कॉ. सुरज अग्रवाल, पो.ना. कोरेकर, पो.कॉ. शिंदे यांनी सापळा लावून व पाठलाग करून आरोपींना ताब्यात घेतले. त्यांनी आपला गुन्हा कबूल केला.आरोपी सचिन गायकवाड हा पळून जाण्यात यशस्वी झाला. आरोपींजवळ जवळ 1 लाख 60 हजार रुपये किमतीच्या दोन जाफराबादी व एक गावरान अशा तीन म्हशी ताब्यात घेण्यात कोपरगाव शहर पोलिसांना यश आले आहे.</p>
