सप्तशृंगी गड : महिला पोलिसाचा असाही प्रामाणिकपणा; 'इतक्या' तोळ्याची गहाळ झालेली सोन्याची चेन केली परत

सप्तशृंगी गड | प्रतिनिधी | Saptshrungi Gadh

सप्तशृंगी गडावर (Saptshrungi Gadh) दर्शनाला आलेल्या एका तरुणीची एक तोळ्याची सोन्याची चेन (Chain of Gold) (किंमत ६० हजार रुपये) गहाळ झाली होती. त्यानंतर ती चेन रोपवे परिसरात कर्तव्यावर असणाऱ्या एका महिला पोलीस कर्मचारी यांना सापडल्याने त्यांनी प्रामाणिकपणे परत केल्यामुळे त्यांच्या प्रामाणिकपणाचे सर्वत्र कौतुक होत आहे...

याबाबत अधिक माहिती अशी की, संभाजीनगर येथील नंदिनी शिंदे ही मंगळवार (दि.०९) रोजी आपल्या मामाच्या कुटुंबासोबत सप्तशृंगी गडावर श्री सप्तशृंगी देवीच्या दर्शनासाठी (Darshan) आली होते. त्यावेळी सप्तशृंगी गडावरील रोपवे ट्रॉली परिसरात गळ्यातील सोन्याची चेन गहाळ झाल्याचे नंदिनी हिच्या लक्षात आले.

त्यानंतर चेन गहाळ झाल्याची तक्रार तिने (नंदिनी) सप्तशृंगीगड येथे रोपवे परिसरात कर्तव्यावर असणाऱ्या महिला पोलीस कर्मचारी (Women Police Personnel) निकम यांच्याकडे केली. त्यावेळी निकम यांनी गहाळ झालेल्या सोन्याच्या चेनीचा तपास सुरू केला असता रोपवेतील कोपऱ्यात चेन आढळून आली. यानंतर महिला पोलीस नाईक निकम यांनी ही चेन नंदिनी शिंदे हिची असल्याची खात्री पटवत तिला (नंदिनी) परत केली.

दरम्यान, यानंतर कळवणचे पोलीस निरीक्षक समाधान नागरे (Saadhan Nagre) यांच्यासह भाविकांनी (Devotees) महिला पोलीस नाईक निकम यांनी प्रामाणिकपणे चेन परत केल्याने त्यांचे कौतुक केले. तर नंदिनी शिंदे हिने सर्व कर्मचाऱ्यांचे आभार मानले.

व्हॉट्सअ‍ॅप ग्रुप जॉईन करण्यासाठी इथे क्लिक करा...