<p><strong>आडगाव l Adgaon (प्रतिनिधी)</strong></p><p>महापालिका प्रशासनांकडुन उपाय योजना करतांनाच व स्वच्छता मोहीम राबविली जात आहे. विशेषत: शहरातील स्वच्छता गृहाची स्वच्छता व दुरुस्तीची कामे केली जात असतांनाच स्वच्छता अभियान 2021 मधुन पंचवटीतील आडगांवला वगळले कि काय? असा प्रश्न आडगांवकरांना पडला, असल्याचा आरोप शिवसेनेकडुन करण्यात आला आहे.</p>.<p>महापालिकेच्या पंचवटी विभागातील प्रभाग 2 हा भाग सर्वाधिक क्षेत्रफळाचा असतांना या प्रमाणात गावठाण व शिवारातील उपनगरांना अद्यापही आरोग्यसेवा पुरवविण्यात महापालिका प्रशासन असमर्थ ठरले आहे. आडगांव गावठाणाची लोकसंख्या 25-30 हजाराच्यावर असतांना या प्रमाणात स्वच्छतागृह व आरोग्य सेवेची सुविधा करण्यात आलेली नाही.</p><p>या ठिकाणी बस स्थानक परिसर परिसरात नागरिकांसाठी असलेल्या स्वच्छता गृहाची अवस्था प्रशासनला लाजविणारी असुन नागरिकांच्या आरोग्याला धोका निर्माण करणारी आहे.</p><p>स्वच्छ सर्व्हेक्षणाची शहरात कामे सुरु असतांना याठिकाणी मात्र स्वच्छतागृहात आत जाणे अवघड झाले असुन सर्वत्र दुर्गंधीने आरोग्यांचा प्रश्न निर्माण झाला आहे. याकडे नगरसेवकांचे दुर्लक्ष असुन अधिकारी याभागात फिरकत नाही.</p><p>अशाप्रकारे केविलवाणी अवस्था गेल्या अनेक वर्षापासुन असुन स्वच्छ सर्व्हेक्षणात या स्वच्छतागृहाची स्वच्छता व दुरुस्ती होईल अशी अपेक्षा आहे. मनपाच्या दुर्लक्षामुळे नागरिकांत तीव्र प्रक्रिया उमटल्या आहे. यासंदर्भात शिवसेना पंचवटी विभाग संघटक पोपट शिंदे यांनी दुरावस्थेतील स्वच्छतागृह पाडून टाकण्याचा इशारा दिला आहे.</p>
