<p><strong>देसराणे l Desrane (वार्ताहर) :</strong></p><p>कळवण उपजिल्हा रुग्णालयात आज सकाळी ११ वाजता कोवीड-१९ वर प्रभावी ठरलेली भारतीय कोरोना लस देण्यास सुरवात झाली आहे.</p>.<p>रुग्णालयाचे अधीक्षक डॉ. सुभाषसिंग परदेशी यांना लस देऊन शुभारंभ कऱण्यात आला. टप्याटप्याने १०० आरोग्य सेवकांना कोरोना लस दिली जाणार आहे. </p><p>कळवण उपजिल्हा रुग्णालयात ३५० कर्मचाऱ्यांना दिले जातील एव्हडे डोजेस आलेले आहेत. पैकी आज १०० डोसेस तालुक्यातील प्रथम फळीच्या आरोग्य सेवकांना दिले जाणार आहेत. लस घेण्यासाठी कर्मचाऱ्यांमध्ये उत्साह दिसून आला.</p><p>यावेळी उपजिल्हा रुग्णलायचे अधीक्षक डॉ. सुभाषसिंग परदेशी, तालुका वैद्यकीय अधिकारी डॉ. सुधीर पाटील, डॉ. प्रल्हाद चव्हाण, डॉ. गिरीश देवरे सहपरिचारिका व इतर कर्मचारी उपस्थित होते.</p>.<div><blockquote>उपजिल्हा रुग्णालय कळवण-करोना लसीबाबत सोशल मीडियावर करोना लसीबाबत अनेक अफवा पसरविल्या जात आहेत. भारताने लसीचा शोध लावला आहे. हि आपल्यासाठी अभिमानाची बाब आहे. हे लक्षात घेऊन सर्व कोरोना योध्यांनी लस घ्यावी.</blockquote><span class="attribution">डॉ. सुभाषसिंग परदेशी, वैद्यकीय अधीक्षक</span></div>.<div><blockquote>करोना काळात घाबरून न जाता आम्ही संपूर्ण रुग्णालय स्वच्छ ठेवण्याचे काम केले आहे. शासनाने लस येताच डॉक्टर, परिचारिका आरोग्य सेवक यांच्या सोबत आम्हालाही लस दिल्याने आमच्या कामाचे सार्थक झाले आहे.</blockquote><span class="attribution">प्रकाश पगार, सफाई कर्मचारी</span></div>
