<p><strong>तळेगाव दिंडोरी । Dindori</strong></p><p>दिंडोरी तालुक्यातील तळेगाव दिंडोरी येथील प्राथमिक आरोग्य केंद्रात सोमवार पासून कोव्हिड-19 लसीकरण मोहिम तालुका वैद्यकीय अधिकारी डॉ. सुजित कोशिरे यांच्या मार्गदर्शनाखाली वैद्यकीय अधिकारी डॉ. भारती चव्हाण यांच्या नियोजनानुसार सुरु करण्यात आली. </p> .<p>या ठिकाणी पहिल्या दिवशी सोमवारी 21 तर दुसर्या दिवशी बुधवारी 109, व तिसर्या दिवशी शुक्रवारी 112 अशा एकूण 242 नागरिकांनी कोव्हिड-19 लस घेतली. </p><p>तळेगांव दिंडोरी प्राथमिक आरोग्य केंद्रात प्रत्येक सोमवार, बुधवार व शुक्रवारी ही लस देण्यात येणार आहे. 60 वर्षांवरील व्यक्ती तसेच 45 ते 59 वयोगटातील बी.पी, शुगर व इतर आजारांनी ग्रस्त व्यक्तींना लस घेण्याचे आवाहन करण्यात आले आहे. </p><p>या लसीकरण मोहिमेसाठी वैद्यकीय अधिकारी डॉ. भारती चव्हाण यांच्यासह आरोग्य केंद्रातील सर्व सेवक व कर्मचारी विशेष परिश्रम घेत आहे.</p>
