<p><strong>नवीन नाशिक l New Nashik (प्रतिनिधी) :</strong></p><p>एका बुलेटस्वाराने ट्रकच्या मागे जोरात धडक दिल्याने या धडकेत बुलेटस्वाराचा मृत्यू झाला असून, पाठीमागे बसलेला गंभीर जखमी झाल्याची घटना लेखानगर येथील सुविधा हॉस्पिटलसमोर घडली आहे.</p>.<p>या बाबत सविस्तर वृत्त असे की, हेमंतकुमार व्यंकप्पा करकेरा (३९, रा. मृत्युंजय को. ऑपरेटिव्ह हौसिंग सोसायटी, कन्नमवारनगर, विक्रोळी पूर्व, मुंबई) हे व त्यांचे मित्र नितीन मोहन मोरे, एमएच ४८ एएन २८३६ या क्रमांकाच्या बुलेटवरून जात असताना त्यांची बुलेट मुंबई-आग्रा महामार्गावरील उड्डाणपुलावर सुविधा हॉस्पिटलसमोर एमएच ०४ डीके २४०६ या क्रमांकाच्या ट्रकवर आदळल्याने नितीन मोरे यांचा मृत्यू झाला असून त्यांच्याबरोबर असलेले करकेरा हे जखमी झाले आहेत. </p>.<p>या प्रकरणी अंबड पोलीस ठाण्यात गुन्हा दाखल करण्यात आला असून पुढील तपास वपोनी कुमार चौधरी यांच्या मार्गदर्शनाखाली सपोनी बेडवाल करीत आहेत .</p>
