<p><strong>नाशिकरोड | प्रतिनिधी </strong></p><p>शिवजयंतीचा फलक उचलून नेत असताना विजेच्या तारांचा स्पर्श झाल्याने नाशिकमध्ये दोघा शिवभक्तांचा शॉक लागून मृत्यू झाला. येथील प्रभाग २२ मध्ये ही घटना घडली. </p> .<p>अधिक माहिती अशी की, येथील प्रभाग क्रमांक 22 मध्ये असलेल्या वडनेर दुमाला परिसरात दोन शिवभक्त शिवजयंतीचे फलक उचलून नेत होते.</p><p>फलकाच्या उंचीचा अंदाज न आल्याने अचानक विद्युत तारेला या फलकाचा स्पर्श झाला. या घटनेत दोघाही शिवभक्तांचा विजेचा धक्का बसून मृत्यू झाल्याची घटना घडली.</p><p>राज मंगेश पाळदे (रा. सौभाग्य नगर) व अक्षय किशोर जाधव (रा. वडनेर) अशी प्राण गमावलेल्या दोघांची नावे आहेत.</p><p>विजेचा धक्का बसल्याची घटना घडल्यानंतर दोघांनाही येथील बिटको हॉस्पिटलमध्ये आणण्यात आले. दरम्यान, वैद्यकीय अधिकाऱ्यांनी तपासून त्यांना मृत घोषित केले. यावेळी बिटको हॉस्पिटलमध्ये शिवप्रेमींची मोठ्या प्रमाणात गर्दी झाली होती.</p>
