ट्रक-कारची समोरासमोर धडक; एक गंभीर
इगतपुरी | प्रतिनिधी | Igatpuri
घोटी-सिन्नर महामार्गावरील (Ghoti-Sinnar Highway) धामणगाव (Dhamangaon) येथे ट्रक (हायवा) आणि कारची समोरासमोर धडक होऊन अपघात (Accident) घडला. या अपघातात काहीजण जखमी (Injured) झाले आहेत...
याबाबत अधिक माहिती अशी की, आज सकाळी १० वाजेच्या सुमारास साई-सर्विस स्टेशनच्या समोर ईको गाडी क्रमांक एम.एच. १५ एच. एम.२६५७ व समृद्धी महामार्गाचा (Samruddhi Highway) ट्रक (हायवा) क्रमांक एम.एच. ४१ ए. यु. ९००१ यांची समोरासमोर धडक होऊन अपघात झाला.
या अपघातात गाडी चालक मधुकर बांडे हे गंभीर जखमी झाले असून ईको गाडीमधील गणेश पाटील, शांती पाटील, अनिकेत पाटील सर्व राहणार भिवंडी व मिराबाई बनकर, नारायण बांडे, लक्ष्मीबाई बनकर सर्व राहणार भरवीर खुर्द हे किरकोळ जखमी झाले आहेत.
दरम्यान, अपघातानंतर सर्व जखमींना स्थानिकांनी एका रुग्णवाहिकेच्या मदतीने खाजगी रुग्णालयात (Private Hospital) दाखल केले असून त्यांच्यावर उपचार सुरू आहेत.