त्र्यंबकेश्वर | प्रतिनिधी | Trimbakeshwar
तालुक्यातील हिरडी (Hiradi) या गावात रात्रीच्या सुमारास विहीरीचे खोदकाम सुरू होते. त्यावेळी बार उडविण्यात आला. यावेळी कामगार असल्याने यात ३ कामगारांचा मृत्यू (Death) झाला असून १ जण गंभीर जखमी झाला आहे...
याबाबत अधिक माहिती अशी की, त्र्यंबकेश्वर तालुक्यातील (Trimbak Taluka) हिरडी या गावात मंगळवारी रात्री दहा वाजेच्या सुमारास एका विहीरीचे खोदकाम सुरू होते.
त्यावेळी स्फोट घडवून विहीर खोदली जात होती. मात्र, अचानक झालेल्या या स्फोटामुळे विहिरीत असलेल्या तीन कामगारांचा मृत्यू झाला. तर १ कामगार गंभीर जखमी झाला आहे. हे कामगार बीड जिल्ह्यातील आष्टी तालुक्यातील असल्याची माहिती मिळत आहे.
दरम्यान, या घटनेची माहिती तत्काळ पोलिसांना कळविण्यात आली. त्यानंतर रुग्णवाहिकेसह पोलिसांचे पथक घटनास्थळी दाखल झाले. यानंतर गंभीर जखमी कामगाराला नाशिक येथील शासकिय जिल्हा रुग्णालयात हलविण्यात आले. तसेच याप्रकरणी हरसुल पोलिस (Police) अधिक तपास करीत आहेत.