<p><strong>नविन नाशिक । प्रतिनिधी New Nashik</strong></p><p>नाशिक महानगरपालिका अंतर्गत शहरी आरोग्य केंद्र नवीन नाशिक आयोजित सर्वरोग निदान शिबिराचे उद्घाटन मॉडर्न शाळा शिवाजी चौक येथे करण्यात आले.</p>.<p>या शिबिरात एमडी मेडिसिन, स्त्रीरोगतज्ज्ञ, बालरोगतज्ज्ञ यांचे मार्गदर्शन व मोफत उपचार तसेच औषधे यांचा लाभ मिळणार आहे. आज ( दि.30 ) हे मोफत शिबिर डॉ. हेडगेवार सभागृह, त्रिमूर्ती चौक, व (दि. 31) रायगड चौक मनपा शाळा याठिकाणी होणार आहे.</p><p>नवीन नाशकातील नागरिकांनी या शिबिराचा लाभ घ्यावा असे आवाहन आरोग्य विभागाच्या वतीने करण्यात आले आहे. याप्रसंगी सहाय्यक आयुक्त तथा नवीन नाशिक विभागिय अधिकारी डॉ. मयूर पाटील, डॉ. अजिता साळुंखे , नगरसेवक राजेंद्र महाले, नगरसेविका छाया देवांग, डॉ. कुणाल पवार, डॉ. प्राजक्ता कडवे, डॉ. नृत्या चव्हाण, दिलीप देवांग आदींसह सर्व सेवक उपस्थित होते.</p><p><em>या सर्वरोग निदान शिबिरात स्त्रीरोगतज्ज्ञ उपस्थित असणार आहेत. महिलांना मोठ्या प्रमाणावर हिमोग्लोबिनची कमतरता आढळून येत असल्याने भविष्यातील संभाव्य धोका टाळण्यासाठी महिलांनी मोठया संख्येने या मोफत शिबिराचा लाभ घ्यावा.</em></p><p><em><strong>डॉ. मयूर पाटील सहाय्यक आयुक्त</strong></em></p>
