<p><strong>इंदिरानगर l Indira nagar (वार्ताहर) : </strong></p><p>पाथर्डी गाव ते पाथर्डी फाटा रस्त्यावरून पायी जाणाऱ्या महिलेच्या गळ्यातील सुमारे साठ हजार रुपये किमतीची सोन्याची पोत अज्ञात दुचाकी स्वाराने खेचून पोबारा केल्याची घटना घडली.</p>.<p>पोलिसांनी दिलेल्या माहितीनुसार अश्विनी दरेकर (३१, मातोश्री बंगला, ज्ञानेश्वर नगर, पाथर्डी फाटा) या शनिवार (दि. २७) रोजी रात्री सव्वा आठ वाजेच्या सुमारास पाथर्डी गावाकडून पाथर्डी फाटा कडे पायी जात</p>.<p>असताना समोरून आलेल्या काळा रंगाच्या दुचाकीवरील इसमाने त्यांच्या गळ्यातील 20 ग्रॅमची सोन्याची पोत सुमारे 60 हजार रुपये किमतीची बळजबरीने ओरबाडुन पाथर्डी फाटाच्या दिशेने निघून गेला.</p>.<p>याप्रकरणी इंदिरानगर पोलीस ठाण्यात जबरी चोरीचा गुन्हा दाखल करण्यात आला असून पुढील तपास व पो नि नीलेश माईनकर यांच्या मार्गदर्शनाखाली पोलिस करत आहेत</p>
