मुद्रांक नोंदणीबाबत महत्वाची बातमी; वाचा सविस्तर

मुद्रांक नोंदणीबाबत महत्वाची बातमी; वाचा सविस्तर
फाईल फोटो

नाशिक । प्रतिनिधी । Nashik

नोंदणी महानिरीक्षक (Inspector General of Registration) व मुद्रांक नियंत्रक कार्यालयात (Office of Controller of Stamps) यापूर्वी फ्लॅट, शॉप, ऑफिसेसच्या प्रथम विक्री करारनाम्याकरिता नोंदणी केली जात होती. मात्र आता या कार्यालयात न जाता बांधकाम व्यावसायिकांच्या कार्यालयातच (builder's office) ही सुविधा ग्राहकांना (customers) उपलब्ध करून देण्याचा निर्णय राज्य शासनाने (state government) घेतला आहे. यामुळे ग्राहकांचा वेळ व मनस्ताप कमी होणार आहे...

ई-रजिस्ट्रेशन प्रणालीसंदर्भात (E-registration) ५० फ्लॅट पेक्षा जास्त बांधकाम असलेल्या विकसकाला ई नोंदणीचे अधिकार (E-registration rights) देण्यात येणार आहेत. त्यांच्या कर्मचार्‍यांना नोंदणीबाबतचे प्रशिक्षण दिले जाणार आहे.

नाशिकमध्ये (nashik) शुक्रवारी (दि.२७) विशेष प्रशिक्षण सकाळी ११ ते सायंकाळी ६ या कालावधीत ई-नोंदणी प्रणालीचे प्रशिक्षण देण्याचा निर्णय नोंदणी महानिरीक्षक व मुद्रांक नियंत्रक कार्यालयाने घेतला आहे. सह जिल्हा निबंधक वर्ग-१ या दालनात प्रशिक्षण दिले जाणार आहे.

तसेच प्रशिक्षण देण्याबाबत नोंदणी महानिरीक्षक (Inspector General of Registration) व मुद्रांक नियंत्रक (Controller of Stamps office) यांनी सहजिल्हानिबंधक व मुद्रांक जिल्हाधिकार्‍यांना सूचित केलेले आहे.

राज्यात ई-रजिस्ट्रेशन प्रणाली सुरू असून या प्रणालीमधील पुढील टप्पा म्हणजेच प्रणाली अंतर्गत विकसकाचे प्रथम विक्री करारनामा (Agreement) दस्तांची ई-रजिस्ट्रेशन प्रणाली अंतर्गत नोंदणी प्रक्रियेस गती देणे, यास्तव विभागातील कर्मचारी तसेच बांधकाम व्यावसायिकांकडील कर्मचार्‍याचें प्रशिक्षण होणे गरजेचे आहे.

जेणेकरून प्रथम विक्री करारनामा दस्त या प्रणाली अंतर्गत नोंदविणे शक्य होईल व पर्यायाने जनतेला अधिकची सुविधा मिळेल. तसेच सगळीकडेच नोंदणी कार्यालयात होणारी गर्दी कमी होण्यास मदत होईल पर्यायाने ग्राहकांना तत्पर सेवा देणे सूलभ होणार आहे.

दरम्यान प्रशिक्षणासाठी नाशिक जिल्ह्यातीत इच्छुक विकसक (Interested developers) वकील, क्रेडाई (Credai) एमसीएचआय (MCHI) नरेडको (Naredko) यांसारख्या संघटनांचा अधिकाधिक सहभाग असणे आवश्यक असल्याने त्या दृष्टीने या सर्व घटकासाठी हे प्रशिक्षण आयोजित केले असून सर्व घटकांनी प्रशिक्षणाकरिता उपस्थित राहून ई-रजिस्ट्रेशन प्रणाली समजावून घ्यावी, असे आवाहन जिल्हा निबंधक (District Registrar) विभागाने केले आहे.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com