वस्त्रोद्योग तंत्रविज्ञान : प्रथम सत्राकरिता अर्ज सादर करण्यासाठी मुदतवाढ

वस्त्रोद्योग विभागाच्या आयुक्त डॉ. माधवी खोडे यांची माहिती
वस्त्रोद्योग तंत्रविज्ञान :  प्रथम सत्राकरिता अर्ज सादर करण्यासाठी मुदतवाढ

नाशिक । प्रतिनिधी Nashik

केंद्र शासनाच्या भारतीय हातमाग तंत्रविज्ञान संस्थेतील सन २०२०-२०२१ या शैक्षणिक तीन वर्षीय (सहा सत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरिता अर्ज सादर करण्यासाठी मुदतवाढ देण्यात आली आहे. राज्यातील उमेदवाराकडून दि. ६ ऑगस्ट २०२० पर्यंत अर्ज मागविण्यात येत असल्याची माहिती नागपूर येथील वस्त्रोउद्योग विभागाच्या आयुक्त डॉ. माधवी खोडे यांनी शासकीय प्रसिध्दी पत्रकाद्वारे दिली आहे.

महाराष्ट्र राज्यातुन बरगड (ओडिशा) करीता १३ व वेंकटगिरी करीता २ जागांच्या प्रवेशासाठी पात्र उमेद्वारांची निवड करण्याकरीता प्रादेशिक आयुक्त वस्त्रोद्योग, नागपूर / मुंबई/ सोलापूर/ औरंगाबाद यांचे मार्फत विहीत नमुन्यात प्रवेश अर्ज १७ जुलै २०२० पर्यंत मागविण्यात आले होते. परंतु आय.एच.टी, बरगड यांच्या १५ जुलै २०२० या शैक्षणिक वर्षा करिता अर्ज सादर करण्यास मुदतवाढ देवून ६ ऑगस्ट २०२० पर्यंत वाढविण्यात आली आहे.

हातमाग व वस्त्रोद्योग तंत्रविज्ञान पदविका अभ्यासक्रम प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाचे वेबसाईट http://http.www.dirtexmah.gov.in/ वर उपलब्ध असून, अर्जाचा नमुना सर्व प्रादेशिक उपआयुक्त वस्त्रोउद्योग यांच्या कार्यालयात देखील उपलब्ध करून देण्यात आले आहे.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com