नाशिकरोड । प्रतिनिधी Nashikroad
मध्य रेल्वे उत्सव विशेष रेल्वे गाड्या चालविणार आहे. या गाड्या आरक्षित असतील.
मुंबई-एलटीटी-मंडुआडी या गाडीच्या तेरा फेर्या होतील. 19 ऑक्टोबरपासून 30 नोव्हेंबरपर्यंत दर सोमवार, शुक्रवारी ती एलटीटीहून रात्री साडेबाराला सुटेल. भुसावळ, नाशिकरोड, खंडवा येथे ती थांबेल.
हटिया- मुंबई एलटीटी- हटिया या गाडीच्या 23 ऑक्टोबर ते 27 नोव्हेंबर दरम्यान सहा फेर्या होतील. दर शुक्रवारी ही गाडी हटीयाहून 9.40 वाजता सुटेल. बडनेरा, अकोला, भुसावळ, मनमाड, नाशिकरोड येथे ती थांबेल.
कानपूर-मुंबई-एलटीटी गाडीच्या 23 ऑक्टोबर ते 30 नोव्हेंबर दरम्यान दर सोमवारी, शुक्रवारी फेर्या होतील. मंगळवारी व शनिवारी ती भुसावळला 9.00 वाजता तर नाशिकरोडला 11.50 वाजता थांबेल. मुंबईहून येताना ती नाशिकरोडला 20.03 वाजता तर भुसावळला 22.55 वाजता थांबेल.
झांसी-पुणे-झांसी गाडीच्या 21 ऑक्टोबर ते 25 नोव्हेंबर दरम्यान दर बुधवारी फेर्या होतील. भुसावळला ती 23.40 वाजता तर मनमाडला 2.30 वाजता थांबेल. छपरा-मुंबई-छपरा गाडी 20 ऑक्टोबर ते 24 नोव्हेंबरदरम्यान दर मंगळवारी धावेल.
भुसावळ, मनमाड, नाशिकरोडला ती थांबेल. पुणे-गोरखपूर-पुणे गाडीच्या सहा फेर्या होतील. 22 ऑक्टोबर ते 26 नोव्हेंबर दरम्या दर गुरुवारी ही गाडी पुण्याहून 16.15 वाजता निघेल. खंडवा, भुसावळ, जळगांव, मनमाड येथे ही गाडी थांबेल.
पुणे-लखनऊ-पुणे गाडीच्या सहा फेर्या होतील. 20 ऑक्टोबर ते 24 नोव्हेंबर दरम्यान ही गाडी पुण्याहून निघेल. भुसावळ, जळगाव, मनमाड येथे ती थांबेल.
पुणे-मंडुआडी-पुणे गाडीच्या सात फेर्या होतील. 19 ऑक्टोबर ते 24 नोव्हेंबर दरम्यान दर सोमवारी ही गाडी निघेल. खंडवा, भुसावळ, मनमाड येथे ती थांबेल. पुणे-दरभंगा-पुणे गाड़ी 21 ऑक्टोबर ते 25 नोव्हेंबर दरम्यान दर बुधवारी धावेल. खंडवा, भुसावळ, मनमाडला ती थांबेल.