लिंकवर क्लिक करताच खात्यातून तीन लाख गायब

नाशिक | प्रतिनिधी | Nashik

केवायसी अपडेट (KYC Update) करण्याच्या बहाण्याने शहरातील एका डॉक्टरांना पाठवलेल्या मेसेजमधील लिंकवर क्लिक केल्याने त्यांच्या खात्यातून ३ लाख ९९ हजार ९८४ रुपये लंपास केल्याची घटना घडली आहे. डॉक्टरांच्या सुनेच्या तक्रारीनुसार सायबर पोलिस ठाण्यात (Cyber ​​Police Station) गुन्हा दाखल करण्यात आला आहे.

डॉ. सृष्टी विक्रांत विजन (Dr. Srushti Vikrant Vijan) (रा. कॉलेजरोड) यांनी सायबर पोलिसांत दिलेल्या फिर्यादीत म्हटले आहे की, त्यांचे सासरे डॉ. विनोद विजन (Dr. Vinod Vijan) यांना बँक खात्याचे केवायसी अपडेट करण्याचा मेसेज आला.

व्हॉट्सअ‍ॅप ग्रुप जॉईन करण्यासाठी इथे क्लिक करा...

त्यांनी त्यावर क्लिक केल्यानंतर बँक खात्यावरून चार व्यवहारांद्वारे ३ लाख ९९ हजार ९८४ रुपये इतर खात्यात वर्ग झाले. यासंदर्भात गुन्हा दाखल करण्यात आला आहे.