<p>निफाड | Niphad</p><p>आमदार दिलीप बनकर यांच्या मार्गदर्शनाने जिल्हा परिषद सदस्य सिद्धार्थ आप्पा वणारसे यांच्या प्रयत्नाने लेखा शीर्ष ५०५४ अंतर्गत कामाची रक्कम रुपये एक कोटी ७८ लाख निधी मंजूर झाला आहे.</p>.<p>तालुक्यातील चितेगाव, वरहेदारणा, लालपाडी, दारणा सांगवी तसेच डोंगरवाडी परिसरातील रस्त्याचा कामाचा भूमिपूजन सोहळा आज संपन्न झाला. या कामाचे उद्घाटन जिल्हा परिषद सदस्य सिद्धार्थ वणारसे यांच्या हस्ते झाले.</p> <p>दारणा सांगवी तसेच परिसरातील अन्य गावांच्या रस्त्याच्या समस्या अनेक दिवसापासून नागरिकांना भेडसावत होती. पावसाळ्यात तर रस्त्यावरून नागरिकांना चालणे मुश्किल होते. </p><p>यामुळे परिसरातील नागरिकांनी नवनिर्वाचित सरपंच आणि ग्रामपंचायत सदस्य यांना रस्त्याच्या समस्येचा प्रश्न मार्गी लावण्याची विनंती केली होती. त्यानुसार पाठपुरावा करीत रस्त्याला कामाला मंजुरी मिळाली.</p>
