<p><strong>नाशिक । Nashik</strong></p><p>नववर्षांच्या स्वागतासाठी शहरातील विविध हॉटेल्स व रिसॉर्टस् व्यावसायिक सज्ज झाले आहेत. डीजेच्या संगीतावर खाण्या-पिण्याचा आस्वाद घेत नववर्षांचे स्वागत करण्याची तयारी तरूणाईनेही सुरू केली आहे. </p>.<p>परंतु यंदाच्या थर्टिफस्टवर करोनाचे गडद सावट आहे. नवी लाट येण्याची शक्यता असल्याने हॉटेल्स तसेच पार्ट्यांना परवानगी मिळण्यावर टांगती तलवार असणार आहे.</p><p>नवीन वर्षांच्या स्वागतासाठी तरुणाई अधिक जोशात आहे. या संधीचा पुरेपूर लाभ घेण्यासाठी हॉटेल्स व रिसॉर्टस्मध्ये विविध कार्यक्रमांचे आयोजन करण्याची तयारी सुरू आहे.</p><p>गेल्या अनेक वर्षांपासून नवीन वर्षांनिमित्त युवकांचा होणारा हैदोस रोखण्यासाठी काही सामाजिक संघटना प्रयत्न करीत असल्या तरी युवक युवती नवीन वर्षांचे जल्लोषात स्वागत करीत असतात. कुटुंबासाठी ओपन एअर रेस्टॉरंट, जोडपे, युवक-युवतीसाठी विविध हॉटेल्स आणि रेस्टॉरेटमध्ये व्यवस्था करण्यात येते. नववर्षांचे स्वागत करण्याचा तरुणाईमध्ये उत्साह आहे. त्यामुळे बहुंताश हॉटेल्समध्ये केवळ जोडप्यांना प्रवेशाची सोय करण्यात येणार आहेत.</p>
