<p><strong>नाशिक । Nashik</strong></p><p>केरळच्या तिरुअंनतपुरम येथून नाशिकला देण्यात आलेली प्लाझ्मा थेरपी मशीन तांत्रिक बिघाडामुळे परत पाठविण्यात आल्यानंतर एक महिन्यांनी नवीन मशीन उपलब्ध झाली. मात्र, अद्याप आयसीएमआरकडे प्लाझ्मा थेरपीला परवानगी मिळणे बाकी आहे...</p>.<p>परवानगी मिळाल्यानंतर जिल्ह्यात प्लाझ्मा थेरपीला सुरुवात केली जाईल, अशी माहिती जिल्हाधिकारी सूरज मांढरे यांनी दिली.</p><p>देशातील मोझक्या शहरात प्लाझ्मा थेरपीद्वारे उपचार केले जात आहे. जिल्हाप्रशासनाने या थेरपीद्वारे उपचार करण्यासाठी तयारी दर्शवली. त्यानूसार १६ जुलैला केरळहून जिल्ह्यासाठी मशीन उपलब्ध करुन देण्यात आली.</p><p>पण तिच्यात तांत्रिक बिघाड लक्षात आल्यावर तात्काळ याबाबतचा अहवाल पाठवून मशीन परत पाठविण्यात आले. त्यानंतर १७ आॅगस्टला नवीन प्लाझ्मा थेरपी जिल्ह्याला देण्यात आले.</p><p>त्यानंतर जराही दिवस वाया न घालवता दुसर्या दिवशी प्लाझ्मा थेरपी मशीन कार्यन्वित करण्यात आली. त्यानंतर तत्काळ एफडिआयकडे अहवाल पाठविण्यात आला व २७ आॅगस्टला 'आयसीएमआर'कडे थेरपीद्वारे उपचाराला परवानगीची मागणी करण्यात आली.</p><p>डाॅ.गांगुर्डे परवानगीसाठी फ्लाॅलोअप घेत आहे. ही परवानगी मिळाल्यानंतर तत्काळ प्लाझ्मा थेरपीने उपचार केले जातील असे जिल्हाधिकार्यांनी सांगितले. तसेच या थेरपीसाठी काहि निकष पूर्ण करावे लागतील.</p><p>त्यात प्लाझ्मा देणारी व्यक्ती ही करोना उपचार घेऊन बरी झालेली असावी. डोनेट करणारी व्यक्तीला इतर कोणताही आजार नसावा व अशा व्यक्ती स्व:ताहून पुढे येणे गरजेचे असल्याचे जिल्हाधिकार्यांनि सांगितले.</p>
