<p><strong>पेठ | प्रतिनिधी </strong></p><p>पेठ शहरापासुन ४ किमी अंतरावर असलेल्या वांगणी गावाजवळ जिल्हा वाहतुक शाखेच्या हवालदारावर ट्रक घातल्याने या पोलीस कर्मचाऱ्याचा जागीच मृत्यू झाल्याची घटना घडली...</p>.<p>अधिक माहिती अशी की, पेठकडून वापीकडे राजू रोडलाइन्स ट्रान्सपोर्ट कंपनीचा ट्रक क्र. एम एच २३ , एयू १४४१ भरधाव वेगात येत होता. जिल्हा वाहतुक शाखेच्या वाहनाजवळ उभ्या असलेल्या पोलीस नाईक कुमार गायकवाड यांना आज दुपारी साडेबारा वाजेच्या सुमारासधडक दिली.</p><p>कुमार गायकवाड यांना जबर दुखापत झाल्यामुळे त्यांचा जागेवरच मृत्यू झाला. यावेळी जिल्हा वाहतुक शाखेच्या एम एच १५, एफ टी २४१९ या वाहनात चालकासह ६ कर्मचारी होते.</p><p>वाहतुक सुरक्षा सप्ताहानिमित्त वाहने अडवुन तपासणी करण्यात येत असल्याने भरधाव वाहनास अडवण्याच्या प्रयत्नात अपघात घडल्याचे प्राथमिक वृत्त आहे.</p><p>या दुर्दैवी घटनेनंतर वरिष्ठ यंत्रणेतील अधिकारी यांनी घटनास्थळी भेट देऊन पहाणी केली. याप्रकरणी गुन्हा नोंदविण्याचे काम सुरु आहे.</p>
