पिंपळगाव बसवंत । वार्ताहर Pimpalgaon Basvant
सेंद्रिय पद्धतीने पिकविलेल्या उन्हाळ कांद्याला (organic Onion) पिंपळगाव बाजार समितीत 4 हजार 200 रुपये क्विंटल दर मिळाला. बाजार समितीत कांद्याला या वर्षी मिळालेला हा उच्चांकी दर मिळाला.
निफाड तालुक्यातील सुकेणे येथील कांदा उत्पादक शामराव सीताराम मोगल( Shyamrao Sitaram Mogal ) यांनी केमिकल, औषधांचा वापर न करता कांद्याचे पिक सेंद्रिय खतांचा वापर करून घेतले. हा कांदा रसायणमुक्त असल्याने त्यांनी थेट बैलगाडीत सजावट करून वाजंत-गाजत बाजार समितीत विक्रीस आणला होता.
सेंद्रिय पद्धतीने कांदा पिकवल्याबद्दल बाजार समितीचे सभापती दिलीप बनकर व मान्यवरांच्या उपस्थित शेतकरी मोगल यांचा सत्कार केला.त्यांनतर बाजार समितीच्या कार्यालयाजवळ लिलाव प्रक्रिया पार पडली. व्यापार्यांनी हा कांदा खरेदीसाठी लिलावात चढाओढ दर्शविल्याचे बाजार समितीच्या वतीने कळविण्यात आले.