<p><strong>नाशिक । Nashik </strong></p><p>शिवीगाळ व दमदाटी करत हवेत गोळीबार केल्याप्रकरणी संशयितावर उपनगर पोलीस ठाण्यात एकावर गुन्हा दाखल करण्यात आला आहे. ही घटना शनिवारी (दि. 19) सकाळी वडनेर दुमाला येथे घडली. </p> .<p>संतोष प्रकाश निसाळ (रा. शिंगवेबहुला) असे गोळीबार करणार्या संशयितांचे नाव असून पोलिसांनी त्यास ताब्यात घेतले आहे. याप्रकरणी भास्कर वामन पोरजे (रा. वडनेर दुमाला, गोविंदनगर) यांनी फिर्याद दिली आहे. </p><p>त्यानुसार शनिवारी सकाळी साडेनऊच्या सुमारास फिर्यादी भास्कर पोरजे यांचा भाचा संशयित संतोष निसाळ हा त्यांच्या घराजवळ आला व दमटाटी व शिवीगाळ करून त्यांच्याकडील पिस्टलमधून एक राऊंड हवेत फायर केला. </p><p>याप्रकरणी पोलिसांनी रविवारी संशयितास अटक केली असून पोलीस उपनिरीक्षक बटूळे तपास करत आहे.</p>
