<p><strong>शिरवाडे वाकद । Shirwade</strong></p><p>कानळद ता.निफाड येथील गावठाण परिसरात विद्युत तार अंगावर पडून यशोदाबाई देवचंद जाधव (वय ६५) यांचा शॉक लागून जागेवर मृत्यू झाला आहे.</p>.<p>याबाबत सविस्तर वृत्त असे की, कानळद गावठाण परिसरात आज दुपारी १ विजेच्या दरम्यान यशोदाबाई जाधव या वृद्द महिला आपल्या घराजवळ बाभळीच्या काट्या तोडत असतांना गावठाणातील विद्युत खांबांवरील तार त्यांच्या मानेवर पडली. त्यामुळे मानेला जबर इजा होऊन त्यांचा जागीच मृत्यू झाला.</p><p>घटनेची माहिती कळताच लासलगाव पोलिस स्टेशनचे कर्मचारी घटनास्थळी हजर होऊन त्यांनी पंचनामा केला.त्यांचा मृतदेह शवविच्छेदनासाठी निफाड ग्रामीण रुग्णालयात पाठविण्यात आला आहे. </p><p>त्यांच्या मृत्यूची लासलगाव पोलीस स्टेशनमध्ये आकस्मित मृत्यूची नोंद झाली आहे. अधिक तपास स.पो.नी.राहुल वाघ यांचे मार्गदर्शनाखाली सहा.पो.उपनिरीक्षक रमेश जोपळे, पो.कॉ.ठोंबरे करीत आहेत.</p>
