<p><strong>नाशिक | Nashik (प्रतिनिधी)</strong></p><p>अँँक्टिव्हावरून जाणाऱ्या तरूणीला गळ्या भाेवती बांधलेल्या स्टाेलने नायलाॅनच्या मांज्यापासून संरक्षण केले. तरूणीने वेळीच प्रसंगावधान दाखवून गळ्यापुढे काचत चाललेला नायलाॅन मांज्या हाताने अडवून संरक्षण केले.</p>.<p>तसेच तिने चेहऱ्याला व गळ्याभाेवती स्टाेल बांधलेला नसता, तर कदाचित अप्रिय घटना घडली असती. या घटनेत तरूणीच्या गळ्याजवळ मांज्या घासल्याने तिला किरकाेळ दुखापत झाली आहे.</p><p>गंगापूर रोडवरून दुपारी चारच्या सुमारास पूजा गणेश संदानशिव (२५, रा. म्हसरूळ) ही युवती ॲक्टिव्हा दुचाकीने हनुमानवाडी-मखमलाबाद रोडने म्हसरूळकडे जात होती.</p><p>त्या वेळी सिग्नलजवळ थांबली असता, अचानक हवेतून नायलॉन मांजा आला आणि तिच्या गळ्याला घासला गेला. पूजाने स्टोल बांधल्यामुळे आणि वेळीच तिचे लक्ष गेल्याने तिने एक हात मध्ये आडवा केला.</p><p>यामुळे गळ्याभोवती खोलवर गंभीर जखमा झाल्या नाहीत, अन्यथा मोठी दुर्घटना घडली असती. ही बाब लक्षात येताच परिसरातील महिला व पुरुषांनी धाव घेत पूजाला धीर दिला आणि दिंडोरी रोडवरील एका खासगी रुग्णालयात उपचारासाठी हलविले. वेळीच औषधोपचार मिळाल्याने पूजाला झालेल्या जखमांमधून होणारा रक्तस्त्राव थांबला.</p><p>नायलॉन मांजाने काही दिवसांपूर्वी पंचवटीतीली एका दुचाकीस्वार महिलेचा द्वारकेजवळ बळी घेतला.</p><p>ही घटना ताजी असताना मखमलाबाद-हनुमानवाडी रस्त्यावरील सिग्नलवर एका दुचाकीस्वार युवतीचा गळा नायलॉन मांजाने कापला गेला. गळ्याभोवती असलेला स्टोल आणि युवतीने दाखविलेले प्रसंगावधानामुळे नायलॉन मांजाने ती किरकोळ जखमी झाली.</p>
