<p><strong>नाशिक । Nashik </strong></p><p>नाशकातील अधिकाधिक पथ विक्रेत्यांना कर्ज वाटप करण्यात नाशिक मनपा अव्वल ठरली आहे. प्रधानमंत्री पथविक्रेता आत्मनिर्भर निधी योजनेंतर्गत सर्वाधिक कर्ज प्रकरणे मार्गी लावण्यात नाशिक महापालिका देशातील १२५ शहरांमध्ये अव्वल ठरली आहे. याबाबतची माहिती मनपा आयुक्त कैलास जाधव यांनी दिली आहे. </p> .<p>करोनाकाळात आर्थिक व्यवहार बंद झाल्याने अनेकांचे व्यवसाय ठप्प झाले होते. यात फेरीवाल्यांचीही आर्थिक हानी झाली. त्यामुळे केंद्र सरकारने निर्णय जूनपासून विनातारण दहा हजार रुपये, नियमित कर्ज परतफेड केल्यास सात टक्के अनुदान, डिजिटल व्यवहार केल्यास कॅशबॅक योजना जाहीर करण्यात आली. त्याचबरोबर मुदतीच्या आत कर्ज परतफेड केल्यास दुप्पट कर्ज म्हणजेच २० हजार रुपयांचे कर्ज दिले जाणार आहे.</p><p>प्रधानमंत्री पथविक्रेता आत्मनिर्भर निधी योजनेसाठी देशभरातून १२५ शहरांची निवड करण्यात आली. त्यानुसार केंद्र सरकारच्या या योजनेला प्रतिसाद देत महापालिकेकडून अर्ज मागविण्यात आले. यामध्ये १७ हजारापर्यंत अर्ज निश्चित करण्यात आले होते,</p><p>परंतु २४ हजारापर्यंत ऑनलाईन अर्ज महापालिकेला प्राप्त झाले. प्राप्त अर्जांपैकी १६ हजार १४१ अर्ज बँकांनी स्वीकारत ९ हजार ५६८ अर्ज मंजुर स्वीकारण्यात आले. त्यातही सात हजारा ७०१ अर्जांना कर्ज मंजूर करण्यात आले. त्यानुसार या १२५ शहरांत नाशिक शहर अव्वल ठरल्याने पायलट सिटीमध्ये समावेश झाला आहे.</p>
