<p><strong>नाशिकरोड | प्रतिनिधी</strong></p><p>येथील सामनगाव रोड परिसरात गाडेकर मळा येथे राहणाऱ्या रामजी लालबाबू यादव या 9 वर्षाच्या बालकाचे अपहरण करून खून करण्यात आल्याची घटना आज घडली. याप्रकरणी नाशिकरोड पोलीस ठाण्यात गुन्हा नोंदविण्याचे काम सुरु आहे. </p> .<p>रामजी लालबाबू यादव हा काल (दि.१) शेजारी राहणार्या तरुणासोबत गेल्याचे पालकांनी सांगितले. त्यानंतर तरुण रात्री एकच्या सुमारास घरी आल्यानंतर मुलाच्या पालकांनी रामजीबाबत चौकशी केली.</p><p>यावेळी या तरुणाने हुज्जत घालत उडवा उडवीची उत्तरे मुलाच्या पालकांना दिली. यानंतर संशय बळावल्याने पालकांनी नाशिकरोड पोलीस ठाणे गाठून तक्रार दाखल केली.</p><p>घटनेची माहिती मिळताच सहाय्यक पोलीस आयुक्त समीर शेख, वरिष्ठ पोलीस निरिक्षक सूरज बिजली यांच्यासह गुन्हे शाखेचे अधिकारी व पथकाने घटनास्थळी धाव घेतली. याप्रकरणी गुन्हा दाखल करण्याचे काम सुरु असल्याचे समजते.</p>
