<p>प्रतिनिधी| आगामी नाशिक महानगरपालिका निवडणुकीच्या पार्श्वभूमीवर राष्ट्रवादी युवक काँग्रेस तयारीला लागली असून विभाग निहाय बैठकांचे आयोजन करण्यात आले आहे. </p> .<p>यातील नाशिकरोड विभागाची बैठक आज (दि.२०) राम मंदिर, देवळाली गांव येथे घेण्यात आली. या बैठकीत युवक शहराध्यक्ष अंबादास खैरे यांनी पदाधिकाऱ्यांना निवडणुकी संदर्भात मार्गदर्शन केले.</p><p>नाशिक महानगरपालिका निवडणुकीस सव्वा वर्ष शिल्लक राहिले असून महापालिकेत सत्ता मिळविण्यासाठी राष्ट्रवादी काँग्रेस पार्टी मोर्चेबांधणीच्या तयारीला लागली असून युवक पदाधिकाऱ्यांनीही बैठकांचा धडाका लावला आहे. केंद्र प्रमुख व बूथ प्रमुख यांच्या नेमणूकीसाठी व व प्रभागातील समस्या सोडवून सत्ताधारी भाजपाला धारेवर धरण्याची रणनीती आखण्यासाठी या बैठका घेतल्या जात आहे. </p><p>ग्रामपंचायत निवडणुकीत राष्ट्रवादी काँग्रेस पार्टीला महाराष्ट्रात सर्वाधिक जागा मिळाल्या असल्याने महापालिका निवडणूकीत पदाधिकारी व कार्यकर्त्याचे मनोबल उंचावले आहे. त्याकरिता पक्षसंघटन वाढविण्यासाठी विभाग निहाय बैठका घेतल्या जात असल्याचे युवक शहराध्यक्ष अंबादास खैरे यांनी सांगितले.</p><p>यावेळी नाशिकरोड विभाग अध्यक्ष मनोहर कोरडे, कार्याध्यक्ष प्रशांत वाघ, शहर पदाधिकारी नियमात शेख, चैतन्य देशमुख, युवक विधानसभा अध्यक्ष राहुल तुपे, युवक विभाग अध्यक्ष सोनू वायकर आदींसह युवक कार्यकारिणी सदस्य व वार्ड अध्यक्ष उपस्थित होते.</p>
