<p><strong>वावी | वार्ताहर</strong></p><p>सिन्नर तालुक्यातील मिरगाव परिसरात बिबट्याची दहशत वाढल्याने परिसरातील शेतकरी भयभीत झाल्याचे दिसून येत आहेत....</p>.<p>काल सायंकाळी 8 वाजेच्या सुमारास सुमारास संतोष बैरागी यांच्या शेतात बिबट्याची जोडी राजरोसपणे वावरत असल्याचे निदर्शनास आल्याने येथील शेतकऱ्यांना जीव मुठीत घेऊन घराच्या बाहेर पडावे लागत आहे.</p><p>काल सायंकाळच्या सुमारास कुत्रा ओरडण्याचा आवाज येऊ लागल्याने त्यांनी आवाज दिशेने धाव घेतली यावेळी यांनी बॅटरी लावून शोधाशोध करीत असताना अचानक एक बिबट्या त्यांच्या समोरून पलायन करताना दिसून आला.</p><p>तर दुसऱ्या बिबट्याने कुत्र्यावर हल्ला करत त्याला फस्त केल्याचे दिसून आले. अशा परिस्थितीत यांनी तात्काळ पोलिसांशी संपर्क करून वनविभागाला कल्पना दिली.</p><p>यावेळी पोलीस निरीक्षक सागर कोते यांनी तत्काळ घटनास्थळी धाव घेत उपस्थितांना घाबरून न जाता स्वसंरक्षणासाठी उपाययोजना म्हणून व खबरदारी घेण्याच्या सूचना केल्या.</p><p>तसेच वनविभागाची संपर्क करून तात्काळ पिंजरा लावण्यासाठी मदत करण्याची मागणी केली. यावेळी वनविभागाच्या वतीने वनक्षेत्रपाल के आर इरकर यांनीं तात्काळ पिंजरा बसविल्याचे समजते आहे.</p>
