<p><strong>सिन्नर । वार्ताहर </strong></p><p>तालुक्यातील देवपूर येथे बिबट्याने शेळी फस्त केल्याची घटना आज (दि.4) दुपारच्या सुमारास घडली...</p>.<p>डांबरनाला आणि कोलधाव परिसरात गेल्या दोन-चार दिवसांपासून बिबट्याचा वावर वाढला असून परिसरातील पशुपालक शेतकऱ्यांमध्ये त्यामुळे दहशत पसरली आहे.</p><p>पुंडलिक गडाख यांच्या मालकीच्या शेळीवर बिबट्याने हल्ला केला. त्यावेळी गडाख यांनी बिबट्याच्या दिशेने आपल्या हातातील काठी फिरकावली.</p><p>काठीला न जुमानता बिबट्याने शेळी घेऊन धूम ठोकली. या घटनेमुळे डांबरनाला व कोलधाव परिसरातील पशुपालक शेतकऱ्यांमध्ये भितीचे वातावरण आहे.</p><p>वनविभागाने तातडीने पिंजरा लावून बिबट्या जेरबंद करावा अशी मागणी शेतकऱ्यांकडून होत आहे.</p>
