<p><strong>ओझे | वार्ताहर</strong></p><p>दिंडोरी तालुक्यातील कादवा म्हाळुंगी येथील ग्रामपंचायतीच्य सरपंचपदी सविता अनिल गांगोडे यांची तर उपसरपंच पदी शिलाबाई भास्कर आहेर यांची निवड झाली.</p> .<p>गुप्त मतदान घेवून ही निवड करण्यात आली. यावेळी सरपंच पदासाठी दोन अर्ज आले होते तर उपसरपंच पदासाठी दोन अर्ज आले होते.</p><p>मतमोजणी होऊन सरपंच सविता गांगोडे यांना पाच मते मिळाली व उपसरपंच शिलाबाई आहेर यांना पाच मते मिळाली असल्यामुळे निवडणुक निर्णय अधिकारी कोठावदे यांनी त्यांना विजयी घोषित केले तसेच यावेळी सातही सदस्य हजर होते.</p><p>येथील सरपंच उपसरपंच पदाची निवडणुक १५ फेब्रुवारीला घेण्यात येणार होती. मात्र, गावात तणावाचे वातावरण तयार घेऊन चार सदस्याना ग्रामपंचायत कार्यालयात जाण्यात मज्जाव करण्यात आला. त्यामुळे निवडणुक निर्णय अधिकारी कोठावदे यांनी दुसऱ्या दिवशी निवडणूक घेण्याचे जाहीर केले.</p><p>पोलिस बंदोबस्तात सरपंच , उपसरपंच पदाची निवडणुक पार पडली. यावेळी डि. वाय. एस .पी. अमोल गायकवाड व दिंडोरी पोलिस स्टेशनचे पोलिस निरिक्षक बोरसे यांनी चोख पोलिस बंदोबस्त ठेवला.</p>
