<p><strong>देवळा | विशेष प्रतिनिधी </strong></p><p>देवळा एज्युकेशन सोसायटी संचालित जिजामाता कन्या विद्यालय देवळा येथील कलाशिक्षक भारत पवार यांच्या फलक चित्रांना कला अध्यापनाच्या "आर्ट एक्सप्रेशन" या पुस्तकात स्थान मिळाले आहे.</p> .<p>लेखक व कला महाविद्यालयाचे माजी प्राचार्य जयप्रकाश जगताप यांच्या कला अध्यापन इंग्रजी आणि मराठी माध्यमातील ए.टी.डी.,ए.एम., जी.डी.आर्ट या कलेतील उच्च शिक्षण कोर्सच्या पुस्तकात पवार यांनी रेखाटलेली फलक चित्रे छापण्यात आली आहेत.</p><p>जे.जे.आर्ट बुक सिरीजचे हे २८ वे पुस्तक असून "आर्ट एक्सप्रेशन" या नावाने पुण्यामध्ये प्रकाशित झाले आहे.</p><p>कलाशिक्षक भारत पवार हे प्रत्येक दिनविशेषला अनुसरून विद्यार्थ्यांना सचित्र माहीत व्हावेत म्हणून विविध दिनविशेष खडूद्वारे फलक रेखाटन करीत असतात. पवार यांना जिल्ह्यास्तरीय, राज्यस्तरीय विविध पुरस्काराने सन्मानित करण्यात आले आहे.</p><p>पवार यांच्या फलक चित्रांची लेखक जयप्रकाश जगताप यांनी दखल घेऊन ती त्यांच्या पुस्तकात छापली याचा त्यांना विशेष आनंद होत असून हा माझ्यासाठी खूप मोठा सन्मान असल्याचे पवार यांनी यावेळी सांगितले.</p><p>त्यांच्या या सन्मानाचे देवळा एज्युकेशन सोसायटीचे चेअरमन प्राचार्य हितेंद्र आहेर, व्हा.चेअरमन आक्कासाहेब आहेर, सचिव गंगाधरमामा शिरसाठ, उपपप्राचार्या डॉ. सौ. मालतीताई आहेर, गटशिक्षणाधिकारी सतीश बच्छाव , केंद्रप्रमुख रावबा मोरे, मुख्याध्यापिका रंजना मोरे, मुख्याध्यापक दिलीप आहेर, पर्यवेक्षक ठोके, आहेर सर्व प्राध्यापक, शिक्षक, शिक्षिका, शिक्षेकेतर कर्मचारी, परिसरातील नागरिक विद्यार्थी ,पालकवर्ग यांनी अभिनंदन व कौतुक केले आहे.</p>
