<p><strong>नाशिक | प्रतिनिधी </strong></p><p>करोना लसीची प्रतिक्षा संपुष्टात आल्यानंतर आजपासून खऱ्या अर्थाने लसीकरण सुरु झाले. सकाळी विभागीय आयुक्तांच्या हस्ते लसीकरणाचा शुभारंभ करण्यात आले. </p> .<p>आज दिवसभरात एकूण १३०० आरोग्य सेवकांना लस दिली जाणार आहे. दुपारी तीन वाजेपर्यंत ४६३ सेवकांना लस देण्यात आल्याची माहिती सूत्रांनी दिली. उर्वरित आरोग्य सेवकांना लवकरच लसीकरण केले जाणार आहे.</p><p>दर आठवड्याला पाच हजार २०० आरोग्य कर्मचार्यांना लस दिली जाईल. प्रशासनाकडून लसीकरण मोहीमेची तयारी पूर्ण करण्यात आली असून कंट्रोल रुमद्वारे मोहीमचे माॅनिटरींग करण्यात येत आहे.</p><p>नाशिक विभागात नाशिकमध्ये सर्वाधिक लसीकरण झाले तर त्यापाठोपाठ नगरमध्ये दुपारी तीनपर्यंत ३९० लसीकरण झाले. त्या खालोखाल धुळे १३५ जळगाव २९७ तर नंदुरबार येथे १३५ आरोग्यसेवकांना लसीकरण करण्यात आले.</p><p>नाशिक शहरात सर्वाधिक लसीकरण शहरी आरोग्य केंद्र असलेल्या जेडीसी बिटको येथे झाले. एकूण ४४ आरोग्यसेवकांना लसीकरण करण्यात आले. त्यानंतर मालेगाव सामान्य रुग्णालयात ४२ रुग्णांना लसीकरण करण्यात आले.</p><p>जिल्हा रुग्णालय नाशिकमध्ये ३७, इंदिरा गणाधी हॉस्पिटलमध्ये २७, नवीन बिटको २१, कॅम्प वार्ड मालेगाव मध्ये ३५,निमा १ मालेगावमध्ये ३३ तर रमजानपुरा मालेगावात २३, सोयगाव आरोग्य केंद्रात २२ उपजिल्हा रुग्णालय कळवण ५३, चांदवड उपजिल्हा रुग्णालयात ५२ आणि निफाड उपजिल्हा रुग्णालयात २९ तर येवल्यात ४५ सेवकांना लसीकरण करण्यात आले.</p>
