मालेगावच्या वऱ्हाडाला गुजरातमध्ये अपघात; चार ठार, अनेक वऱ्हाडी जखमी

मालेगावच्या वऱ्हाडाला गुजरातमध्ये अपघात; चार ठार, अनेक वऱ्हाडी जखमी

मालेगाव | प्रतिनिधी

गुजरात राज्यातील तापी जिल्ह्यात आज पहाटे झालेल्या अपघातात चौघांचा जागीच मृत्यू झाला तर अनेक वऱ्हाडी जखमी झाल्याची माहिती मिळत आहे. अपघात इतका भीषण आहे की यात अर्धी खासगी लक्झरी बस कापली गेली आहे. त्यामुळे मृतांचा आकडा वाढण्याची भीती व्यक्त केली जात आहे....

अधिक माहिती अशी की, मालेगावहून एक मुस्लीम कुटुंबीय काल (दि ०४) रात्री हजार खोली परिसरातून सुरतकडे लग्नासाठी निघाले होते. आज दुपारी हे लग्न होणार होते. मात्र, लग्नाला वऱ्हाडी मंडळीच्या खासगी बसला आज पहाटेच्या सुमारास गुजरात राज्यातील तापी जिल्ह्यात अपघात झाला.

भरधाव असेलली लक्झरी बस एका पार्क केलेल्या ट्रकला जाऊन आदळली. या घटनेत बस अर्ध्यापर्यंत कापली गेली आहे. या घटनेत चौघांचा जागीच मृत्यू झाला तर पाच ते सात गंभीर जखमींना रुग्णालयात हलविण्यात आले आहे.

वालोद गावाजवळ व्यारा-बाजीपुरा राष्ट्रीय महामार्गावर हा अपघात झाला. लक्झरी बस महाराष्ट्रातील मालेगाव ते दक्षिण गुजरातमधील सुरत येथे एका लग्नाच्या पार्टीत होती, अशी माहिती वालोद पोलिस स्टेशनचे निरीक्षक व्ही. आर. वासावा यांनी दिली.

logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com