नाशिक बाजार समिती निवडणूक: 'या' गटाच्या समर्थकांनी केले अर्ज दाखल

नाशिक । प्रतिनिधी | Nashik

नाशिक कृषी उत्पन्न बाजार समितीच्या (Nashik Agricultural Produce Market Committee) १९ जागांसाठी नामनिर्देशन पत्र दाखल करण्याच्या चौथ्या दिवशी

माजी सभापती देविदास पिंगळे (Former Speaker Devidas Pingle) व संपतराव सकाळे, माजी संचालक दिलीपराव थेटे तसेच माजी नगरसेवक तथा माजी सभापती शिवाजी चुंभळे यांच्यासह ७० उमेदवारांनी अर्ज दाखल केले. यामुळे निवडणूक (election) चुरशीची होणार हे स्पष्ट होऊ लागले आहे. सोमवारी (दि.३) उमेदवारी अर्ज दाखल करण्याचा अंतिम दिवस आहे. उमेदवारांनी जोरदार शक्ती प्रदर्शन, घोषणाबाजी करत अर्ज दाखल केले. यामुळे जिल्हाधिकारी कार्यालयाला (Collector Office) जत्रेचे स्वरूप प्राप्त झाले होते.

नाशिक कृषी उत्पन्न बाजार समितीसाठी (Nashik Agricultural Produce Market Committee) आतापर्यंत एकूण ८५ अर्ज दाखल झाले. शुक्रवारी (दि. ३१) माजी सभापती देविदास पिंगळे आणि माजी सभापती शिवाजी चुंभळे व माजी नगरसेवक दिनकर पाटील यांच्या गटातील काही इच्छुकांनी उमेदवारी अर्ज दाखल केले.दोन्ही गटातील मतदार, सभासद मोठ्या संख्येने उपस्थित होते.

यांनी केले उमेदवारी अर्ज दाखल

माजी सभापती देविदास पिंगळे, दिलीपराव थेटे,संपतराव सकाळे, बहिरू मुळाणे, तुकाराम पेखळे,विश्वास नागरे,खांडेकर, निर्मला कड, रुपांजली माळेकर,संजय तुंगार, राजाराम धनवटे, संदीप पाटील, चंद्रकांत निकम , जगदीश अपसुंदे,युवराज कोठूळे तसेच माजी सभापती शिवाजी चुंभळे.