<p><strong>नाशिक | प्रतिनिधी </strong></p><p>नाशिकमधील करोना रुग्णांची वाढती संख्या लक्षात घेता नाशकात निर्बंध लादण्यात आले आहेत. नाशिकमध्ये अंशतः लॉकडाऊन राहणार असून वीकेण्डला सर्व धार्मिक स्थळे बंद राहणार असल्याचे जिल्हाधिकार्यानी आज सांगितले. </p>.<p>जिल्हाधिकारी कार्यालयात आयोजित बैठकीत मांढरे बोलत होते. ते म्हणाले की, उद्यापासून सर्व कॉलेज कोचिंग क्लासेस बंद राहतील. दहावी च्या परीक्षा पालकांची संमती घेऊन मुले उपस्थित राहतील. </p><p>परीक्षा राज्य किंवा राष्ट्रीय परीक्षा पूर्व घोषित असतील त्या नियमितपणे होतील. नाशिक नांदगाव निफाड आणि मालेगाव मधील शाळा बंद करणार आहोत. </p><p>करोनाचा संसर्ग जास्त असल्याने निर्णय घेण्यात आला आहे. इतर तालुक्यांचा निर्णय परिस्थिती पाहून निर्णय घेतले जातील. सकाळी सात ते रात्री सात ही वेळ निश्चित करण्यात आले आहे. </p><p>सर्व आठवडे बाजार बंद राहतील. १५ तारखे पर्यंत लग्न समारंभ पोलीस प्रशासनाची परवानगी आटोपून घ्यावेत. त्यानंतर सार्वजनिक कार्यक्रम बंद असतील. </p><p>त्यानंतर घरगुती पद्धतीने हे कार्यक्रम होतील. हॉटेल, बार, परमिटरूम सकाळी ७ ते रात्री ९ पर्यंत सुरु राहतील. </p><p>जिम, ग्राउंड व्यक्तिगत स्वरुपात सुरु राहतील एकत्रित येणार नाही. धार्मिक समारंभ बंद करण्यात आले आहेत. </p><p>धार्मिक स्थळे सकाळी ७ ते रात्री सात पर्यंत सुरु राहतील. शनिवार आणि रविवार सर्व धार्मिक स्थळे बंद राहतील. </p><p>भाजी मंडई ५० टक्के उपस्थितीत सुरु राहील. करोना जनजागृती करण्यास सुरुवात करण्यात येईल. </p>
