यावेळी परिसरातील ग्रामपंचायत निवडणूका चांगल्याच चुरशीच्या झाल्या असून बहुतांशी ठिकाणी अत्यंत काठावर निकाल लागले असल्याचे चित्रही यावेळी पाहवयास मिळाले. दरम्यान यावेळीच्या ग्रामपंचायत निवडणुकांमध्ये मतदानाचा टक्का वाढलेला होता. हा वाढलेला मतदानाचा टक्का काही ठिकाणी नवोदित उमेदवारांना विजयाच्या समीप घेऊन गेला तर काही ठिकाणी हाच वाढलेला टक्का प्रस्थापितांना हादरवून गेला असल्याचेही चित्र या निवडणुकीत होते.ननाशी परिसरातील ग्रामपंचायत निवडणुकीत विजयी झालेले उमेदवार पुढीलप्रमाणे.

गांडोळे

प्रभाग क्रमांक 1 मधून भरत भोये, पुष्पा देशमुख, मीरा भोये, प्रभाग क्रमांक 2 मधून अंबादास गावित, गंगाधर भोये, रुख्मिनी शिंदे, प्रभाग क्रमांक 3 मधून सुरेश भोये, हौसाबाई भोये, शकुंतला भोये हे विजयी झाले आहे. मतदान आणि निकाल लागल्यानंतरही परिसरात कुठलेही भांडण किंवा वादाचे प्रसंग घडले नाही.

बाडगीचापाडा

प्रभाग क्रमांक 1 मधून जगदीश गावित रोहिणी गावित, प्रभाग क्रमांक 2 मधून सोमनाथ हिंडे, लता पवार, लीला हिंडे, प्रभाग क्रमांक 3 मधून सुदाम पवार, पल्लवी पवार हे विजयी झाले आहे.

आंबाड

प्रभाग क्रमांक 1 मधून ।मधुकर चौधरी, विमल चौधरी, काशीबाई गायकवाड, प्रभाग क्रमांक 2 मधून दत्तू गायकवाड, मच्छीन्द्र शेखरे, प्रभा शेखरे, प्रभाग क्रमांक 3 मधून तानाजी गावित, वैशाली गायकवाड, तुळसा गायकवाड विजयी झाले आहे.

महाजे

प्रभाग क्रमांक 1 मधुन प्रमोद कोंगे, विजय कोंगे ,आशा गुंबाडे, प्रभाग क्रमांक 2 मधून वसंत भोये, जिजाबाई भोये, रुपाली भोये तर प्रभाग क्रमांक 3 मधून सावळीराम भुसारे हे विजयी झाले आहेत तर याच प्रभागातून कविता इंगळे आणि कमळाबाई भुसारे या दोन उमेदवारांची बिनविरोध निवड झाली आहे .

पिंपळगाव धूम

प्रभाग क्रमांक 1 मधून धनाजी काशीद ,सुनीता बेझेकर ,चंद्रभागा बेझेकर, प्रभाग क्रमांक 2 मधून राजू गायकवाड ,कापसाबाई गायकवाड, प्रभाग क्रमांक 3 मधून राकेश गुंबाडे हे विजयी झाले आहेत तर याच प्रभागातून नंदा गायकवाड यांची आधीच बिनविरोध निवड झाली आहे.

वणी खुर्द

प्रभाग क्रमांक 1 मधून सिकंदर जाधव, रोहिदास रहेरे , संगीता धुळे, प्रभाग क्रमांक 2 मधून केशव गावित, निर्मला शेवरे ,आशा रहेरे तर प्रभाग क्रमांक 3 मधून राहुल ढगे, सरला चौधरी, ललिता चौधरी हे विजयी झाले आहेत.

दरम्याब जोरण येथील निवडणूक यावेळी बिनविरोध झाली असून सर्व तीन प्रभागातील नऊ उमेदवारांची बिनविरोध निवड झाली आहे. विधानसभा उपाध्यक्ष नरहरी झिरवाळ यांचे चिरंजीव दीपक झिरवाळ आणि स्नुषा वैशाली झिरवाळ यांची वनारे ग्रा.पं.साठी बिनविरोध निवड झाली असून वारे ग्रा.पं.साठी माजी आमदार धनराज महाले यांचे बंधू यादव महाले यांची बिनविरोध निवड झाली आहे .

कुर्णोली

जानोरी । कुर्णोली येथील ग्रामपंचायत निवडणुकीत ग्रामस्थांनी एकत्र येत महाविकास आघाडी स्थापन करून एकूण 7 जागांपैकी सहा जागांसाठी बिनविरोध निवड केली. यामध्ये प्रभाग क्रमांक एक मध्ये सुरेखा झोमान, मोतीराम गवळी,प्रभाग दोन पुष्पा लहांगे व ललित पोटींदे,प्रभाग तीन मध्ये तीन जागा असल्याने दोन जागा रोहिणी नाठे व इंदू वाघमारे या बिनविरोध निवड झाली होती. प्रभाग तीन मध्ये सर्वसाधारण एका जागेसाठी माजी पोलीस पाटील शिवाजी नाठे तर निवृत्त माध्यमिक शिक्षक दत्तात्रय संधान यांच्यात चुरशीची लढत होऊन त्यात माजी पोलीस पाटील शिवाजी नाठे हे 265 मते मिळवून विजयी झाले. दत्तात्रय संधान यांना 88 मते मिळवून त्यांना निवडणुकीत पराभवाला सामोरे जावे लागले. सर्व नवनिर्वाचित सदस्यांचे शांताराम संधान, भाऊसाहेब झोमान, खंडेराव झोमान, दत्तात्रय संधान, गणेश झोमान,सोपान संधान, विकास संधान, माणिक नाठे, गोविंद नाठे,संजय नाठे सह कुर्णोली ग्रामस्थांनी अभिनंदन केले.

चौसाळे

चौसाळे। दिंडोरी तालुक्यातील चौसाळे ग्रुप ग्रामपंचायतची पंचवार्षिक निवडणुकीत परिवर्तन पॅनलचा विजय झाला. चौसाळे ग्रुप ग्रामपंचायतीत तीन प्रभागात नऊ उमेदवारासाठी निवडणूक झाली. यावेळी नवीन चेहर्‍यांनी बाजी मारली. त्यात परिवर्तन पॅनलचे प्रभाग क्रं. 1 मधील विठ्ठल जयवंत गांगोडे, हेमंत समरत जोपळे, रेखा सुदाम तुंगार, प्रभाग क्रं. 2 मध्येे संदीप एकनाथ जोपळे, यमुनाबाई मुरलीधर जोपळे, ज्योती हिरामण डंबाळे हे विजयी झाले. ग्रामविकास पॅनलचे प्रभाग क्रं.1 मधील निवृत्ती गायकवाड, देवीदास तुंगार, सोनाली गांगोडे, प्रभाग क्र. 3 मधील भास्कर जोपळे, वंदना जोपळे व हेमलता जोपळे यांचा पराभव झाला. पिंगळवाडी मोळविहिर प्रभाग क्रं. 2 मधील पंडीत झिप्रा भरसठ, वैशाली निवृत्ती भोये कविता वसंत जोपळे व हे उमेदवार बिनविरोध निवडून आले. ग्रामस्थांनी विजयी उमेदवारांचे अभिनंदन केले.

नांदुरी

नांदुरी। कळवण तालुक्यातील महत्वाची समजली जाणारी नांदुरी ग्रामपंचायतीच्या पंचवार्षिक निवडणूकीत ओम सिद्ध भक्तेश्वर पॅनलचा दणदणीत विजय झाला असून सर्वच्या सर्व उमेदवारांचा विजय झाला.

कळवण सुरगाणा विधानसभेचे आमदार नितीन पवार नरुळ गणातील खंदे समर्थक म्हणून ओळखले जाणारे सुभाष राऊत यांनी पँनलचे नेतृत्व करत विजयश्री खेचून आणल्याने आमदार नितिन पवार यांनी विजयी उमेदवारांचे अभिनंदन केले. नांदुरी गावातील एकूण प्रभाग तीन पैकी प्रभाग क्र. तीन मधिल दोन उमेदवार बिनविरोध निवडून आल्याने उर्वरीत सातच्या सातही जागांवर वर्चस्व राहिले प्रभाग क्रमांक एक मधील अनुसूचित जागेवर दैनिक देशदूतचे पत्रकार किरण आहिरे यांचा ही दणदणीत विजय झाल्याने सर्वत्र पेढे भरुन आनंद साजरा केला.

ओम सिद्ध भक्तेश्वर पॅनलचे विजयी उमेदवार प्रभाग क्र. 1 मध्ये किरण आहिरे (258), सुभाष राऊत (256), दीपाली गांगुर्डे (271),प्रभाग क्र. 2 मध्ये ताराचंद पोपट चौधरी (218), नंदाबाई गंगाधर भोये (192), माधुरी नितिन राऊत (194), प्रभाग क्र. 3 मधिल श्रीमती सुलोचना कानडे (188) हे निवडून आले आहे.

मद्यधुंद मित्राकडून मित्राचा खून!

Gaurav Pardeshi

Related Stories