<p><strong>नाशिक | प्रतिनिधी</strong> </p><p>आनंदवल्ली परिसरातील गंगापूर रोडवर आज एकाची धारदार शस्राने हत्या केल्याची धक्कादायक घटना घडली. घटनास्थळी पोलीस यंत्रणा दाखल झाली असून तपास सुरु आहे. </p> .<p>रमेश मंडलिक असे हत्त्या झालेल्या व्यक्तीचे नाव आहे. जमिनीच्या वादातून हत्या झाल्याचा पोलिसांचा प्राथमिक अंदाज आहे.</p><p>नाशिक शहरातील गुन्हेगारी काही कमी होण्याचे नाव घेताना दिसत नाहीये. खून, प्राणघातक हल्ल्याचे प्रमाण दिवसेंदिवस वाढत चालले आहे. विनयभंग, लहान मोठे गुन्हे यांचेही प्रमाण दिवसेंदिवस वाढत चालले आहे. </p><p>सिडकोमधील खुनाची घटना ताजी असतानाच आज अतिशय वर्दळीच्या ठिकाण तसेच नाशिक गंगापूर रोडवरच धारदार शस्राने एका व्यक्तीची खुलेआम हत्या करण्यात आल्यामुळे नाशिक शहर पुन्हा एकदा हादरले आहे.</p>
